«Хәвәрләр һәптилики» хитайниң уйғурларға қаратқан зулумлириға қарши хәлқаралиқ наразилиқ долқуни көтүрүлгәнликини хәвәр қилди

Мухбиримиз нуриман
2020-07-08
Елхәт
Пикир
Share
Принт

«Хәвәрләр һәптилики» (NewsWeek) тори 8-июл күни мәхсус хәвәр берип, уйғурларниң нөвәттики вәзийити вә хәлқараниң буниңға қайтурған инкаси һәққидә тохталди.

Хәвәрдә йеқинда елан қилинған адриян зензниң доклатидин нәқил кәлтүрүлүп, хитайниң уйғурларға елип бериватқанлириниң опочуқ ирқий қирғинчилиқ, йәни «нопус қирғинчлиқи» икәнлики оттуриған қоюлған.

Адриян зенизниң доклатида уйғурлар гәрчә пүтүн хитай нопусиниң аран икки пирсәнтини тәшкил қилсиму, әмма һамилидарлиқтин сақлиниш үскүнилириниң 80 пирсәнтиниң уйғур районида ишлитилгәнлики тилға елинған. Хәвәрдә уйғурларниң бир қанчә йил ичидила туғулуш нисбитиниң 24 пирсәнт төвәнлигәнлики, туғут йешидики уйғур аяллириниң пәқәт үч пирсәнтиниңла пәзрәнтлик болғанлиқи, буларниң хитайниң уйғуларниң нупусини қаттиқ контрол қилиш сияситиниң мәһсули икәнлики оттуриға қоюлған.

Хәвәрдә трамп һөкүмитиниң уйғурларниң нөвәттики бу вәзийитини авам көңүл бөлидиған шундақла хитайға қарши хәлқаралиқ бир мәсилигә айландурғанлиқи әскәртилгән.

Америка ташқи ишлар министири майк помпейо хитайниң уйғурларға қаратқан бастурушини көп қетим әйибләп, бейҗиңниң уйғурларға пүткүл милләт сүпитидә тутқан позитсийәсини «кишилик һаятниң муқәддәсликигә вә инсаний қәдир-қиммәткә қилинған зораванлиқ» дегән иди.

Мутәхәссисләрниң билдүрүшичә, бирләшкән дөләтләр тәшкилатиға сунулған хитайниң уйғурларни мәҗбурий әмгәккә салғанлиқи һәққидики йеңи доклат б д т кишилик һоқуқ комитетиниң алий комиссари мишел бачелетниң үстилидики муһим доклатларниң бири икән. Бу доклат бәлким б д т хитай билән болған мунасивитиниң бузулушиға сәвәб болуши мумкин икән.

Пикирләр (0)
Share
Толуқ бәт