Җаң чүнлин қәшқәрдә мәдәнийәт-маарип, тәшвиқат хизмитидә йеңилиқ яритишни тәкитлигән

Мухбиримиз җәвлан
2022-03-25
Share

Хитайчә “тәңритағ тори” ниң хәвәр қилишичә, уйғур аптоном районлуқ парткомниң муавин секретари, тәшвиқат бөлүми башлиқи җаң чүнлин 22-, 23-март күнлири қәшқәрдә “тәкшүрүп тәтқиқ” қилишта болған һәмдә “шинҗаңниң узақ муддәтлик муқимлиқи вә тәрәққияти үчүн мәдәнийәт-маарип, тәшвиқат хизмитини чиң тутуп ишләш вә йеңилиқ яритиш” керәкликини тәкитлигән.

Җаң чүнлин қәшқәр университети қатарлиқ мәктәпләрни көздин кәчүргән һәмдә улардин “партийәниң сөзини аңлаш, партийәгә рәһмәт ейтиш, партийәгә әгишип меңиш” темисини асас қилған тәрбийә паалийәтлири елип беришни, “илғар җуңхуа мәдәнийитини маарипқа сиңдүрүп, җуңхуа милләтлири ортақ гәвдиси еңини мустәһкәмләшни, оттура башланғуч мәктәп оқутқучилирини тәрбийәләш салмиқини ашуруп, дөләт тилини қоллиниш сәвийәси вә иқтидарини давамлиқ өстүрүш” ни тәләп қилған.

Хитайниң икки чоң йиғинидин кейин қәшқәр вилайити хитай әмәлдарлири көп қатрайдиған җайларниң биригә айланған болуп, җаң чүнлин келиштин илгири аптоном районлуқ партком секретари ма шиңрүй, хитай мәмликәтлик сиясий кеңәш рәиси ваң яң қатарлиқларму қәшқәрни көздин кәчүргәниди.

Көзәтчиләрниң билдүрүшичә, хитай һөкүмити уйғурлар әң көп җайлашқан җәнубтики вилайәтләргә хитай еңи, хитай мәдәнийитини сиңдүрүшкә зор күч сәрп қиливатқан болуп, аталмиш уйғур вәкилләрму икки йиғин мәзгилидә буниңға мас келидиған тәклиплирини оттуриға қойғаниди. Хитай һөкүмити буни маарип арқилиқ әмәлгә ашурушни нишанлиған болуп, җаң чүнлин қәшқәрдә буниң конкрет усуллирини қайта тәкитлигән, шундақла буниңлиқ билән қалмай йеңи-йеңи усулларни ойлап тепишқа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт