Хитай һөкүмити бу йил уйғур аптоном районида 10 айродром қурулушиға мәбләғ аҗратқан

Мухбиримиз әркин
2020-03-20
Share

Хитай һөкүмитиниң бу йил уйғур аптоном районида 10 айродром қурулушиға 3 милярд 190 милйон йүән мәбләғ аҗратқанлиқи мәлум болди.

Америкадики "йолучи" намлиқ торниң ашкарилишичә, хитайниң мәзкур қурулуши униң ғәрбий-шималдики бу район билән һава алақисини күчәйтиш шундақла мәзкур районни һава қатнаш мәркизигә айландуруш пиланиниң бир парчиси икән.

Хитай һөкүмити 2017-йили башланған чоң тутқунда 3 милйондәк уйғур, қазақ вә башқа мусулманларни лагерларға қамаш билән бир вақитта, районниң ул әслиһәләр қурулушиға көпләп мәбләғ селишқа башлиған. Униң бир тәрәптин уйғурларни тутқун қилип, "ешинча әмгәк күчлири" намида башқа районларға йөткиши, йәнә бир тәрәптин ул әслиһәләргә көпләп мәбләғ селип, районниң ичкири өлкиләр билән болған һава, төмүрйол вә ташйол қатнишини торлаштуруши хитайниң мәқситигә қарита гуманлиқ соалларни пәйда қилип кәлгән иди.

"йолучи" ториниң билдүрүшичә, "шинҗаң айродром гуруһи" бу мәбләғниң турпан, ташқорған, гучуң, байинбулақ, баркөл қатарлиқ җайлардики йеңи айродром қурулушиға, қәшқәр, ақсу, ғулҗа, керийә, моңғулкүрә қатарлиқ җайлардики мәвҗут айродромларниң кеңәйтилиш қурулушиға сәрп қилинидиғанлиқини билдүргән. "шинҗаң айродром гуруһи" ақсу вә ғулҗа айродромлириниң йеңи терминал қурулуши бу йил 7 вә 8-айларда пүтүп, ишқа киришидиғанлиқи, ташқорған вә турпан айродроминиң қурулуши 4 вә 6-айларда башлинидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт