Uyghur diyaridiki ayrodrom sani xitayda “Rékort” yaratti

Muxbirimiz eziz
2022.05.24
Share on WhatsApp
Share on WhatsApp

Xitay hökümiti bashqurushidiki “Xitay xewer tori” ning 23-maydiki xewiride éytilishiche, Uyghur diyarida qurulghan ayrodromlar sani 25 ke yétip xitaydiki bashqa ölke we aptonom rayonlar boyiche 1-orun'gha ötken.

Xewerde éytilishiche, xitay hökümiti ötken birnechche yilda herqaysi nahiye we sheherlerde köplep ayrodrom qurup chiqqan bolup, shu qatarda taghliq rayon bolghan tashqorghan nahiyesidimu ayrodrom qurulghan. Buning bilen birge nöwette quruqluq boyiche Uyghur diyarining 85 pirsenti ayrodromgha 100 kilométir kélidighan da'iride bolush ishqa ashqanliqi éytilghan. Xewerde bu hal “Xelq turmushigha qolayliq yaritish” rolini oynaydighanliqi tekitlinip, bu ehwal xitay hökümitining Uyghur diyarigha körsetken bir türlük “Ghemxorluqi” ahangida bayan qilin'ghan.

Halbuki “Ayrodromlar sanida birinchi bolush” xitaydiki nopusi eng köp ölkilerde emes, belki nopusi az bolghan Uyghur rayonida emelge ashqan. Uyghur diyarining nopus shalangliqi, sayahetchilikning qaynaq makani emesliki, shuningdek bunche köp ayrodrom qurushqa mohtaj emeslikini tekitligen bezi analizchilar buning mahiyette xitay hökümitining kontrolluq we basturushni téximu asanlashturush, shuningdek qoshna rayonlargha kéngeymichilik qilishigha teyyarliq körüsh ikenlikini algha sürmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.