Йеқинда америка ембарго йүргүзгән биңтуән дунядики 800 миңдин артуқ ширкәт билән мәнпәәтдар икән

Америкадики "саяри" намлиқ сода санлиқ мәлумат тори америка һөкүмити йеқинда ембарго йүргүзгән "шинҗаң ишләпчиқириш-қурулуш биңтуәни" ниң дунядики 800 миңдин артуқ ширкәт билән мәнпәәтдар икәнликини билдүрди.

Хәвәрдә тәкитлишичә, америка малийә министирлиқи ташқи мүлүк контрол ишханисиниң биңтуәнгә ембарго йүргүзүши бу ишхана тарихидики әң чоң һәрикәтләрниң бири икән. Хәвәрдә "бу җаза биңтуәнниң дуня тәминат зәнҗири билән болған алақисиниң ашкарилинишиға әгишип, зәнҗирсиман тәвриниш пәйда қилидиғанлиқи" тәкитләнгән.

Америка малийә министирлиқиниң ташқи мүлүк контрол ишханиси 31-июл күни биңтуән вә униң икки рәһбиригә уларниң уғурларни дәпсәндә қилиштики роли сәвәблик ембарго йүргүзгән. юқириқи сода санлиқ мәлумат ториниң учурида, биңтуәнниң 147 дөләттики 862 миң 600 ширкәт билән мәнпәәтдар икәнлики, бу америка, германийә, әнглийә вә шундақла вирҗин араллири қатарлиқ дөләт вә районлардики ширкәтләрни өз ичигә алидиғанлиқи, уларниң ичидики 2114 ширкәтниң америкада икәнлики тәкитләнгән.

Хәвәрдә йәнә хитайниң райондики мәзкур йерим қораллиқ тәшкилатиниң нопуси уйғур аптоном райони нопусиниң 12 % ни тәшкил қилидиғанлиқи, уйғур аптоном райони омумий ишләпчиқириш қиммитиниң 17 % ни игиләйдиғанлиқи, хитай даирилириниң "шинҗаңда етник тазилаш вә мәдәнийәт қирғинчғилиқи елип бериш билән бир вақитта йәнә бейҗиңниң мәзкур районда иқтисадий тәрәққият пиланини давамлиқ алға сүрүватқанлиқи" тәкитләнгән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар