Уйғур елидики хитай ширкәтлириниң уйғур вә қазақларни ишқа елишни рәт қиливатқанлиқи ашкарланди
Йүз миңлиған уйғур "намратлиқтин қутқузуш" намида хитай карханилирида мәҗбури әмгәккә селиниш билән бир вақитта, мәҗбури әмгәк системисиниң сиртидики ширкәт-карханиларниң уйғур вә қазақларни ишқа елишни рәт қилидиғанлиқи ашкарланди.
15-Июл уйғурларниң хитай иҗтимаий таратқулирида ашкарлишичә, уйғур елидики бу хил кархана, һәтта меһманханиларму уйғур вә қазақларни ишқа алмайдикән.
Мәлум болушичә, йеқинда алий мәктәпни пүттүргән бир уйғур қиз оқуғучи хитайдики кичик көләмлик аманәт қәрз мулазимити билән шуғуллунидиған пул-муамилә ширкити- "пиңән һевлет-пәккарт шеркити" ниң үрүмчи "нурлуқ йоли" дики тармақ ширкитигә ишқа илтимас қилған.
Бирақ бу ширкәтниң кадирлар бөлүми бу қизға өзлириниң уйғур вә қазақларни ишқа алмайдиғанлиқини ениқ ейтқан. Бу ширкәтниң мәзкур қиз оқуғучиға ейтишичә, улар хитай яки туңган болса қобул қилидикән. Мәзкур ширкәтниң тор бетидики еланидиму хитай, туңган яки моңғолларни қобул қилидиғанлиқи ениқ ейтилған.
Бу ширкәтниң сун фамилилик бир хадими радийомизниң мухбириға "уйғур вә қазақларға еиһтияҗи йоқлиқи" ни ейтқан. Бу учур америкадики "клоб хавс" намлиқ иҗтимаий таратқу мунбиридә муназирә қозғиған. Америкадики хитай адвокат тең бявниң ейтишичә, бу вәқә ноқул бир ширкәтниң һәркити әмәс, бәлки пүтүн бир дөләтниң һәркити болуп, хитай уйғурларға "ирқий қирғинчилиқ" қилиш билән әйиблиниватқан әһвалда, бу хил миллий кәмситиш сиясити "ирқий қирғинчилиқ" ниң дәлили болидикән.
- Өз вәтинидин йирақ анатолуда меһри-шәпқәт тапқан 20 уйғур мусапир балиниң һекайиси
- Нурсимангүл абдурешит: "ташқий дуня уйғурлар тоғрилиқ талаш-тартиш қиливатқан минутларда бизниң йилтизимиз қирқилмақта"
- "уйғур сот коллегийәси" ниң 2-қетимлиқ гуваһлиқ аңлаш йиғини дуняниң диққитини уйғурларға қаратти
- Ялқун розиниң "киришип қалидиған" характери
- Ноғай мәсҗитидин қайтқан уйғур бовай: "компартийә ‹мәсчиткә кир' десә киримиз, ‹кирмә' десә кирмәймиз!"
