Қәшқәр тәвәсидә йеңидин үч техником мәктипиниң қурулуши диққәт қозғиди

Мухбиримиз әзиз
2020-10-28
Елхәт
Пикир
Share
Принт

Йеқинда хитай һөкүмити маралбеши, йәркән вә қағилиқ наһийәлиридә бирдин оттура дәриҗилик техником мәктипи қуруп, җәмийәттин оттура техником маарипи бойичә оқуғучи қобул қилишқа башлиған.

«Тәңритағ» ториниң 28-өктәбирдики хәвиридә ейтилишичә, бу мәктәпләрдә тәсис қилинған кәсипләр «йәрликниң еһтияҗиға нәқ чүшидиған түрләр» дәп тәсвирләнгән. Шундақла буниңда ремонтчилиқ, қурулуш, сатирашлиқ, ашпәзлик, тиккүчилик, кәпшәрләш қатарлиқларниң муһим орун игиләйдиғанлиқи тәкитләнгән. Хәвәрдә йәнә буниң «маарип арқилиқ намратлиқни түгитиш һәмдә ярамлиқ кәсип әһлини тәрбийәләш» тәдбири икәнлики алаһидә шәрһиләнгән. Маарип назаритидики бир мәсул хитай бу һәқтә сөз қилип: «биз буниңда бир қолда маарипни, йәнә бир қолда карханини йетәкләп меңиш арқилиқ намратлиқни түгитимиз. Йеқин кәлгүсидә һәр бир наһийәдә бирдин техником мәктипи қуримиз,» дегән.

Әмма муһаҗирәттики көзәткүчиләр бу мәктәпләрдики кәсипләрниң изчил хәлқарада тәнқид обйекти болуватқан «мәҗбурий әмгәк» саһәсидики түрләр икәнликини тәкитләп, бу аталмиш техником мәктәплириниң әмәлийәттә нами өзгәргән лагерлар болуши мумкинликини алға сүрмәктә. Йәнә келип хитай һөкүмитиниң бу мәктәпләрни «намратлиқни түгитиш» кә бағлишиниңму гуманлиқ икәнликини билдүрмәктә.

Пикирләр (0)
Share
Толуқ бәт