Радийомиз уйғур бөлүми мухбирлири аилә-тавабиатлириниң тутқунға учриғанлиқи күчлүк инкас қозғиди

Мухбиримиз ирадә
2018-03-01
Share

Радийомиз уйғур бөлүми мухбирлири аилә-тавабиатлириниң тутқунға учриғанлиқи күчлүк инкас қозғиди

Әркин асия радийоси уйғур бөлүми мухбирлириниң бир қисим аилә-тавабиатлириниң хитай даирилири тәрипидин тутқун қилинғанлиқи һәққидики хәвәр күчлүк инкас пәйда қилди.

Алдинқи күни "вашингтон почтиси" гезити радийомиз уйғур бөлүми мухбирлириниң биваситә уруқ-туғқанлириниң хитай даирилири тәрипидин тутқун қилинғанлиқи һәққидә бир парчә мәхсус хәвәр елан қилған иди.

Бу хәвәр "хәлқара кәчүрүм тәшкилати", "хәлқара мухбирларни қоғдаш комитети" қатарлиқ органларниңму күчлүк диққитини қозғиди. Улар бу һәқтә арқа-арқидин баянат елан қилди. "хәлқара кәчүрүм тәшкилати" баянатида, мухбиримиз гүлчеһрәниң яшинип қалған ата-анисидин хәвәр алалмайватқанлиқи вә униң 20 дин ошуқ уруқ-туғқининиң тутқун қилинғанлиқини алаһидә тилға алған.

Бүгүн йәнә, америкидики бирләшмә агентлиқи, ройтерс агентлиқи вә "заман" гезити қатарлиқларму бу мәсилә һәққидә кәң хәвәр бәрди. Мәзкур хәвәрләрдә әркин асия радийоси уйғур бөлүмидики мухбирларниң биваситә аилә-әзалиридин бирмунчә кишиниң тутқунда икәнлики вә буниңға уларниң уйғур дияри һәққидә ишләватқан хәвәрлириниң сәвәб болғанлиқи баян қилинған.

Әмма хитай ташқи ишлар министирлиқиниң баянатчиси лу каң бейҗиңдики мухбирларни күтүвелиш йиғинида мухбирларниң бу һәқтики соалиға җаваб берип мундақ дегән: "мениң бу әһвалдин хәвирим йоқ. Әмма силәргиму аян болғандәк, биз һәр вақит чәтәл мухбирлириниң хитай тоғрилиқ адил вә тоғра хәвәр беришини қарши елип кәлдуқ."

Мәлум болушичә, әркин асия радийоси уйғур бөлүминиң әң аз дегәндә 5 нәпәр хадиминиң уйғур дияридики уруқ-туғқанлири тутқанда икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт