Уйғур районида 24 йеңи юқумдар байқалған, үрүмчи йәнила қамалда турмақта

Мухбиримиз җәвлан
2022.09.07
Share on WhatsApp
Share on WhatsApp

“хитай хәвәрлири тори” ниң 6-сентәбир чиқарған хәвиригә қариғанда, 9-айниң 6-күнигичә уйғур районида йеңидин юқумланған аламәтсиз юқумдарлар сани 24 кә йәткән. Буниң ичидә үрүмчидә 7, ғулҗа шәһиридә 12, шихо шәһиридә 2, қутуби наһийәсидә 1, корла шәһиридә 2 юқумдар көпәйгән; 4 адәм дохтурханидин чиққан, 17 адәм айрим көзитиштин чиққан.

Бу хәвәрдә “шинҗаңда һазирғичә кесәллик диягнози қоюлғанлар 16 адәм, аламәтсиз юқумдарларниң омумий сани 603 адәм” дейилгән. Хитай таратқулириниң өткәнки мәлуматлирида омумий юқум сани 3000 дин ешип кәткәниди, әмди бу сан туюқсиз азлап кәткән.

Һалбуки, 7-сентәбир күни үрүмчиниң юқум вәзийити һәққидә чиққан бир хәвәрдә, үрүмчидә 6 район “йеңидин көпәйгән хәтәрлик район” дәп бекитилгән. Тәңритағ райони, йеңи тәрәққият райони, булақтағ райони (шүймого райони) вә көктағ райони (мидуң райони) дики бир мәһәллә “еғир хәтәрлик район” дәп бекитилгән; көктағ районидики икки мәһәллә “оттураһал хәтәрлик район” дәп бекитилгән.

Хәвәрләрдин мәлум болғинидәк, юқум еғир дәп қаралған “хәтәрлик район” лар қаттиқ қамал қилинидиған болуп, аһалиләр олтурақ райониға кирип-чиқишму қаттиқ чәкләнгән. Ичикири хитайда йүз бәргинигә охшаш, бундақ “хәтәрлик район” да яшаватқан уйғурларниң турмушиниң техиму қийин болидиғанлиқи, ачарчилиқ вә мәһкумлуқ азаби тартидиғанлиқи мөлчәрләнмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.