Dénnis ignatyus: "Uyghurlarni qayturushqa bolmaydu!"

Muxbirimiz eziz
2017-11-28
Share

25-Noyabir küni "Bügünki erkin malayshiya" gézitide sabiq diplomat dénnis ignatyusning taylandning songkla ölkisidiki yighiwélish merkizidin qéchip ketken Uyghurlargha da'ir chong hejimlik maqalisi élan qilindi. U maqaliside tayland we malayshiyadiki musapir Uyghur tutqunlarni xitaygha qayturmasliqni muraji'et qilish bilen birge bu Uyghurlarning xitayning türlük zulumliri sewebidin chet'elge qéchishqa mejbur bolghanliqini tepsiliy tonushturidu.

U yene malayshiya hökümitining hazirgha qeder qachqun Uyghurlarning hemmisige térrorchi qatarida mu'amile qilghanliqi, shuningdek 29 Uyghurni "Térrorchi" dégen bohtan bilen xitaygha qayturup bergenlikini "Malayshiya hökümitining qachqunlargha tutqan eng nomussiz qilmishi déyishke bolidu" dep tenqidleydu. Shuningdek esebiylik we diktatorluqta eyiblen'gen musulman qachqunlirigha panahliq béreligen malayshiya hökümitining emdilikte insan chidighusiz zulum sewebidin öz wetinidin qéchip kétishke mejbur bolghan Uyghur musapirlirini xitaygha qayturup bérish xiyalida boluwatqanliqini eyibleydu.

U maqalisining axirida malayshiya hökümitini xelq'araliq insan heqliri nizamnamisige hörmet qilishqa, shuningdek taylandtin qéchip malayshiya tewesige ötüp ketken bolushi mumkin, dep qariliwatqan Uyghur qachqunlirini taylandqa yaki xitaygha qayturup bermeslikke chaqiridu.

Melum bolushiche, dénnis ignatyus malayshiya tashqi ishlar ministirliqida 36 yil xizmet qilghan sabiq diplomat bolup, uzun yillar mabeynide malayshiyaning latin amérikisidiki birnechche dölette turushluq bash elchilik wezipisini ötigen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet