Хәлқара җинайи ишлар сот мәһкимиси хитайниң уйғурларға тутқан муамилисини тәкшүрүшкә чақирилди

Мухбиримиз әркин
2022.06.24
Share on WhatsApp
Share on WhatsApp

Хәлқара адвокатлар бу һәптә хәлқара җинайи ишлар сот мәһкимисигә йеңи дәлилләрни сунуп, хитайниң уйғур вә башқа түркий мусулман хәлқләргә тутқан муамилиси үстидин тәкшүрүш елип беришқа чақирған. “америка авази” ниң хәвәр қилишичә, сүргүндики уйғур гуруппилириға вәкиллик қилидиған адвокатлар 20-июн, йәни дүшүнбә күни хәлқара җинайи ишлар сот мәһкимисигә “бейҗиңниң хәлқара җинайи ишлар сот мәһкимисигә әза әлләрни өз ичигә алған қошна дөләтләр вә башқа җайлардики уйғурларни мәҗбурий (хитайға) қайтуруп кәткәнлики” гә аит йеңи дәлилләрни сунған.

Йетәкчи адвокат родней диксон “америка авази” радийосиға елхәт арқилиқ әвәткән баянатида, “бу, улар тутуп туруш лагерлириға йолланғандин кейин уларға немә ‍ишларниң болғанлиқини интайин ечинишлиқ рәвиштә көрситип бериду,” дигән. Хәвәрдә ейтилишичә, бу әрз хәлқара адвокатларниң хәлқара җинайи ишлар сотиға буниңдин икки йил илгири сунған дәсләпки әрзидин буянқи 3-қетимлиқ әрзи икән. Адвокатлар, хәлқара җинай ишлар сотиға тунҗи қетим 2020-йили 6-айда әрз сунған. Иккинчи қетим 2021-йили 10-айда, ахирқи қетим өткән дүшүнбә күни, йәни 20-июн қошумчә дәлилләрни тапшурған икән.

“америка авази” ниң ейтишичә, адвокатлар тунҗи әрзни сунғанда хәлқара җинайи ишлар сотиниң тәптишлири хитайниң хәлқара җинайй ишлар сотиға әза әмәсликини баһанә қилип, сотниң дело турғузалмайдиғанлиқини ейтқан. Бирақ адвокатларниң ахириқи қетим сунған материяллири хитайға қайтурулған “бир шаһиттин елинған биринчи қол дәлил-‍спат” ни өз ичигә алидикән. Хәвәрдә бу шаһитниң исми тилған елинмиған болсиму, лекин униң хитайға қайтурулғандин кейин, 2018-йили хитайдин қечип қичип чиқиштин бурун лагерға қамалғанлиқи, униң соал-сорақ вә қийин-қистаққа учриғанлиқи тәкитләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.