Санҗидики бир химийә завутида партлаш йүз бәргән

Мухбиримиз ирадә
2017-07-27
Елхәт
Пикир
Share
Принт

Хитай хәвәрләр ториниң хәвиригә қариғанда, пәйшәнбә күни санҗидики бир химийә завутида партлаш йүз берип 1 адәм өлгән, 31 адәм яриланған.

Йәрлик даириләр бу һәқтики баянатида, завуттики ишчилар турубиларда мәшғулат қиливатқанда юқири бесимлиқ газ чиқип кетип партлашқа сәвәб болғанлиқини, вәқәниң шу йәр вақти чүштин кейин саәт 7:00 дә йүз бәргәнликини билдүргән.

Мәлум болушичә, яриланған 31 киши ичидә 18 нәпириниң яриси еғир икән. Даириләр партлаш үстидә илгириләп тәкшүрүш елип бериватқанлиқини билдүргән.

Санҗидики бу партлаш вәқәси вә униң сәвәби башқа мустәқил хәлқара мәтбуатлар тәрипидин техи дәлилләнмиди.

Хитай һөкүмити хитайда йүз бәргән тәбиий апәтләр яки юқиридикигә охшаш партлаш вәқәлириниң тәпсилати һәққидики хәвәрләргиму чәклимә қойидиған болуп, апәт районлири вә яки вәқә мәйданлириға ахбаратчиларниң, болупму чәтәл ахбаратчилириниң кириши чәклинип кәлгән. Буниң әң типик мисаллири 2011-йили йүз бәргән венҗу тез сүрәтлик пойиз вәқәси вә 2015-йили тйәнҗиндә йүз бәргән зор партлаш вәқәси қатарлиқлардур.

Пикирләр (0)
Share
Толуқ бәт