Хитайниң таңзуңза чағиниму уйғур елида мәдәнийәт тәшвиқати паалийитигә айланған

Мухбиримиз җәвлан
2021-06-16
Share

Хитай таратқулириниң йеқинда чиқарған хәвиригә қариғанда, таңзуңза чағини келиш һарписида куча шәһиридики хизмәт гурупписи йәрлик амма билән бирликтә таңзуңза түгүш, таңзуңза йейиш қатарлиқ паалийәтләрни елип барған. Куча шәһәрлик малийә идарисиниң улуғчат базирида турушлуқ хизмәт гурупписи вә куча шәһәрлик пиланлиқ туғут мулазимәт орни хизмәтчилири йезиларға чүшүп, йәрлик аһалиләр билән таңзуңза чағини өткүзгән вә буни "җуңхуа мәдәнийитиниң илғар әнәнисигә варислиқ қилип, милләтләр иттпақлиқини җанландуруш" дәп алаһидә тәшвиқ қилған.

Көзәткүчиләрниң билдүрүшичә, хитайниң һәр қандақ әнәниви байрими кәлсә уйғур райониниң һәр қайси җайлирида вәзипә өтәватқан хизмәт гуруппилириниң тәшвиқат паалийәтлири җанлинип кетидикән, чүнки хитай мәдәнийитини омумлаштуруш вә уни йәрлик мәдәнийәтниң орниға дәсситиш уларниң муһим вәзиписи вә төһпә яритиш нуқтиси икән. Бу хәвәрдә тилға елинған куча шәһәрлик хизмәт гуруппилириниң йезиларға чүшүп, йәрлик уйғурларни бир йәргә топлап таңзуңза чағини өткүзүши әнә шуниң җүмлисидин болуп, йәрлик уйғурлар бу байрамни бесим, қорқунч, ялған күлкә вә сахта қизғинлиқ ичидә өткүзүшкә мәҗбур болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт