Хитайда 11 күнлүк шәһәр башлиқи парихорлуқ сәвәбидин әмилидин қалди

Мухбиримиз меһрибан
2016-11-01
Share

Хитай мәркизий интизам тәкшүрүш комитети ториниң 31-өктәбирдики хәвиридин ашкарилинишичә, лявниң өлкиси телиң шәһириниң шәһәр башлиқи, шәһәрлик парткомниң муавин секретари җяң җу хизмәткә тәйинлинип 11 күндин кейин, парихорлуқ қилмиши ашкарилинип хизмитидин қалдурулған.

Мәлум болушичә, җяң җу илгири далийән шәһири җинпу райони ишчилар уюшмисиниң муавин партком секретари, ишчилар уюшмисиниң муавин башлиқи қатарлиқ вәзипиләрни өтигән болуп, бу йил 10-айниң бешида телиң шәһиригә йөткилип кәлгән. 18-Өктәбир күни униң телиң шәһириниң шәһәр башлиқи вә қошумчә шәһәрлик парткомниң муавин секретарлиқ вәзиписигә қоюлғанлиқи елан қилинған.

11 Күнлүк шәһәр башлиқиниң парихорлуқ қилмиши сәвәблик вәзиписидин қалдурулғанлиқи ашкариланғандин кейин, хитай тордашлири арисида муназирә қозғиди. Бәзи тордашлар парихорлуқниң хитай әмәлдарлирида тарихтин буян давамлишиватқан әнәнә икәнликини билдүрсә, йәнә бәзиләр хитайниң нөвәттики бир партийилик һаким мутләқлиқ һөкүмәт түзүми ислаһ қилинмиса, һөкүмәт органлиридики чириклик вә парихорлуқниң йоқалмайдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт