Amérika xitayning herbiy hazirliqini küchiyiwatqanliqi heqqide agahlanduruldi

Charshenbe küni amérika dölet mejlisidiki bir meslihet guruppisi yilliq doklatida xitayning jenubiy tinch okyandiki herbiy hazirliqi barghanche küchiyiwatqanliqini otturigha qoydi we amérika da'irilirini bu heqte agahlandurdi.

Amérika-xitay iqtisadiy bixeterlik közdin kechürüsh komitéti xitayning armiyisini zamaniwilashturushi, asiya-tinch okyan rayondiki küch tengpungluqini buzup amérikining ornigha riqabet élan qilishi mumkinlikini otturigha qoydi.

Ularning bildürüshiche, xitay 2020-yiligha kelgüche mezkur rayonda eng chong su asti paraxoti floti we urush paraxoti etriti qurup chiqidiken.

Mezkur komitét doklatida, amérika hökümitige amérika déngiz armiyisining paraxot tetqiqat we yash ishlirigha köplep meblegh ajritish heqqide teklip berdi.

Ular yene amérika armiyisining 60 pirsent küchini 2020-yiligha qeder asiya-tinch okyan rayonigha merkezleshtürüsh heqqide teklip berdi.

Obama hökümiti 2014-yildin kéyin amérika herbiy küchining köp qismini asiya-tinch okyan rayonigha yötkeydighanliqini bildürgen. Bu xitayning küchlük étiraz bildürüshige uchrighan idi.