Хитайниң импорт вә екиспорти омумйүзлүк төвәнлигән

Мухбиримиз әзиз
2015-11-30
Share


Хитай баш таможнисиниң мәлуматлирида көрситилишичә, бу йил янивардин өктәбир айлириғичә болған арилиқта хитайниң импорт вә екиспорти өткән йилқи охшаш мәзгилдикигә селиштурғанда % 8.5 Төвәнлигән. Буниң ичидә екиспорт миқдари % 2.5 Төвәнлигән; импорт миқдари болса % 15.7 Төвәнлигән. Хитай сода министирлиқи бу һәқтә тохтилип, "һазирқи ташқи сода оборотиниң вәзийитидин қариғанда бу йил ташқи сода әһвали еғир хирисқа дуч келиши мумкин" дегән.

Хитай мутәхәссислириниң қаришичә, ташқи базардики еһтияҗниң төвәнлиши, ички еһтияҗниң бир изда туруп қелиши, шундақла дөләт ичидики иқтисадий қурулминиң зор дәриҗидики тәңшилиши түпәйлидин импорт вә екиспорттики омумйүзлүк төвәнләш йүз бәргән.

"хитай хәвәрлири" ториниң мәлуматлириға қариғанда, хитай чоң сода дөлити болсму, һазирчә техи күчлүк сода дөлити һесабланмайдикән. Шуңа хитай дөлити бу хил мүшкүл әһвалдин халас болуш үчүн сода министирлиқи вә башқа органларниң һәмкарлиқида мунасип тәдбир һәққидә издәнмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт