Хитай даирилири «инқилабий қурбан»ниң ғайиб болған җәситидин, қоралини муһим билгән

Мухбиримиз шөһрәт һошур
2016-11-16
Елхәт
Пикир
Share
Принт

Хитай һава армийә қисмидин аял учқучи йү шү өткән айниң 12-күни һавада маневир елип бериватқанда қаза йүз берип һаятидин айрилған вә хитай даирилири тәрипидин «инқилабий қурбан» дәп нам берилгән иди.

Радийомиз хитайчә бөлүминиң бүгүнки хәвиридин ашкарилинишичә, униң җәсити вә қорали һазирғичә тепилмиған. Қазаға учриған айропилан ғулиған тәвәликтики хунәнниң йүтйән наһийилик һөкүмити йеқинда бир уқтуруш тарқитип йү шүниң җәсәт парчисини тапқанларға 10 миң сом, униң қоралини тепип тапшурғанларға 50 миң сом сөйүнчә берилидиғанлиқини елан қилған.

Даириләрниң җәсәткә қариғанда қоралға 5 һәссә артуқ сөйүнчә бериш елани күчлүк ғулғула қозғиған.

Радийомиз зияритини қобул қилған аһалиләр даириләрниң җәсәтни издишиниң ялған йәни шәкилгә икәнликини, әсли мәқсәтниң қорални тепиш икәнликини баян қилған вә бу сәвәблик даириләрни әқлий вә әхлақий җәһәттин лаяқәтсизлик билән әйиблигән. Әпсуски, даириләрниң мәзкур еланида қорални тепивелип тапшурмиғанларниң қанунсиз қорал сақлаш җинайити садир қилидиғанлиқи вә 3 йил билән 7 йил арисида кесилидиғанлиқи әскәртилгән.

Пикирләр (0)
Share
Толуқ бәт