Хитайниң санаәт ишләпчиқириши 2 йилдин бери тунҗи қетим төвәнлигән

Мухбиримиз әркин
2018-12-31
Елхәт
Пикир
Share
Принт

Америка-хитай сода уруши вә хитайниң дөләт ичи иқтисади өсүш сүритиниң астилиши қатарлиқ аммилларниң тәсиридә хитайниң санаәт ишләпчиқириши 2 йилдин бери тунҗи қетим төвәнлигән. Хитай дөләтлик истатестика идариси дүшәнбә күни хитай ишләпчиқириш саһәсиниң өткән бир айлиқ сетивелиш көрсәткүчини елан қилған. Ройтерсниң хәвиридә нәқил кәлтүрилишичә, хитай ишләпчиқириш саһәсиниң 12‏-ай ичидики сетивелиш көрсәткүчи 4. 49 Пирсәнткә төвәнләп, өткән айдикидин 6. 0 Пирсәнт азайған. Хитай дөләтлик истатестика идарисиниң али дәриҗилик истатестикичиси җав чиңче буниңда «хәлқара содидики ихтилапниң күчийиши, йәршари иқтисадиниң өсүш сүритиниң астилиши қатарлиқ көп хил амилларниң роли бар» лиқини билдүргән. Ройтерс агентлиқиниң 31‏-декабир хәвиридә баян қилинишичә, хитай ишләпчиқириш көрсәткүчиниң бу һали у дуч келидиған иқтисадий бесимниң күчийидиғанлиқини көрситидикән.

50 % Ишләпчириш саһәсиниң сетивелиш көрсәткүчидики һалқилиқ сизиқ болуп, әгәр бир дөләтниң ишләпчиқириш саһәсиниң сетивелиш көрсәткүчи 50% тин артса, бу униң иқтисади кеңийидиғанлиқини, 50 % дин төвәнлисә униң иқтисади кичикләватқанлиқини көрситиду.

Хитай иқтисадидики бу әһвал америка билән хитай сода урушини 90 күн тохтатқан мәзгилдә барлиққа кәлди. Президент трамп билән хитай рәиси ши җинпиң аргентинада учрашқанда сода урушини вақитлиқ тохтитишни қарар қилған. Хитай тәрәп «уруш тохтитилған» 90 күн ичидә америка тәрәп оттуриға қойған бәзи тәләпләрни һәл қилишқа вәдә бәргән иди. Икки күн аввал президент трамп билән ши җинпиң телефонда көрүшкән. Көрүшүштин кейин президент трамп тветерда сөз қалдуруп, икки тәрәпниң оттуридики ихтилапларни тез арида һәл қилишини күтидиғанлиқи, икки тәрәпниң бәзи илгириләшләргә еришкәнликини билдүргән. Лекин бәзи көзәткүчиләрниң қаришичә, икки тәрәп оттурисидики ихтилапниң қисқа вақит ичидә һәл болуши гуманлиқ икән.

Пикирләр (0)
Share
Толуқ бәт