Xitayda yene ösmürlerge pichaq bilen hujum qilish weqesi yüz berdi

Xitayda yene ösmürlerge pichaq bilen hujum qilish weqesi yüz bérip 7 adem yarilan'ghan bolup, xitay axbarati hujumchining “Rohi késel” ikenlikini bildürdi.

Hujum seyshenbe küni kechqurun gu'angdung ölkisi mawning shehiride yüz bergen. Hujumda mekteptin qaytiwatqan 6 ösmür we neq meydanda bar bir ayal yarilan'ghan.

Mawning sheherlik hökümet bayanatchisining bildürüshiche, gumandar qolgha élin'ghan, ziyankeshlikke uchurghuchilarning ehwali turaqlashqan.

Gumandar bu yil 32 yashqa kirgen lyaw isimlik xitay er iken.

Saqchi we hökümet da'iriliri bu heqtiki bayanatida gumandarning rohiy késel ikenlikini ilgiri sürüp, weqening jeryani we sewebini ashkarilimighan.

Xitayda mektep oqughuchilirining hujumgha uchrash weqeliri köp uchraydu.

Ötken yili dékabirda xénen ölkiside bir xitay er mektepke hujum qilip 23 ösmürni chanap yarilandurghan idi.

Eyni chaghda xitay axbarati bu gumandarningmu “Rohiy késel” ikenlikini ilgiri sürgen idi.