Австралийә әқил амбири хитайниң уйғурлар мәсилисидә чәт әл тәшвиқатчилиридин қандақ пайдиланғанлиқини ашкарилиди

Австралийә истратегийәлик сиясәт иниститути 14-декабир йәнә доклат елан қилип, хитайниң дөләт ‍ичи-сиртида өзиниң уйғурлар мәсилисидики мәйданиға мас келидиған пикирләрни шәкилландүрүш һәм алға сүрүштә чәт әл иҗтимаий таратқу актиплиридин қандақ пайдиғанлиқини ашкарлиған. Доклатта, хитай дөләт аппаратлириниң тор ‍актиплириниң иҗтимаий таратқуларда шинҗаңға аит мәзмунларни тарқитиши, хитайниң бу мәсилидики баянлирини қоллайдиған мәзмунларни йорутушини қоллап кәлгәнликини билдүргән.

“еғизни арийәткә елип шинҗаң тоғрисида сөзләш” намлиқ бу доклатта көрситишичә, ‍иҗтимаий таратқудики мәзмунлар ғәрб таратқулириниң хәвәрлиригә, илмий тәтқиқат вә чәт әл һөкүмәтлириниң тәнқидлиригә, уйғур елидики кәң көләмлик кишилик һоқуқ дәпсәндичиликигә қарши пикирләрни мәзмун қилған икән. Доклатта бу мәзмунларниң һәмишә хитай һөкүмәт ахбаратлирида, униң чоң хәлқара иҗтимаий таратқулардики һесаби һәм хитай ташқий ишлар министирлиқиниң ахбарат йиғинлирида тарқитилидиғанлиқи тәкитләнгән.

Доклатта ейтилишичә, 2020-йили 1-айдин 2021-йили 8-айғичә, америкадики иҗтимаий алақә супилирида хитай контроллуқидики 156 һесаб номури аз дегәндә 546 фейсбук, твиттер язмиси, шундақла хитай йәр шари телевизийә тори, “йәр шари вақти гезити”, шинхуа агентлиқи вә “хитай гезити” торидики уйғур елиға аит мәзмунларни 13 тор актипиниң һесаби арқилиқ һәмбәһирлигән болуп, бу һәрикәтләрниң 50 пирсәнттин көпрәки фейсбукта йүз бәргән. 44 Бәтлик бу доклатни австралийә истиратегийәлик сиясәт иниститутиниң “хәлқара тор сиясити мәркизи” тәйярлиған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар