ئ‍ۇيغۇر دىيارىدا ئومۇميۈزلۈك ھاۋا ھۇجۇمىدىن مۇداپىئەلىنىش مانېۋىرى ئۆتكۈزۈلىدۇ

مۇخبىرىمىز ئەزىز
2021-09-14
Share

ئۆتكەن يىللاردىن بۇيان ئۇيغۇر دىيارىنىڭ بىر قىسىم شەھەرلىرىدە «ھاۋا ھۇجۇمىدىن مۇداپىئە كۆرۈش مانېۋىرى» سىناق قىلىنىۋاتقانىدى. 14-سېنتەبىر كۈنى ئۇيغۇر ئاپتونوم رايونلۇق ھۆكۈمەت 18-سېنتەبىر كۈنى پۈتۈن رايون تەۋەسىدە بىرلا ۋاقىتتا ھاۋا ھۇجۇمى ھەققىدىكى سىگنالغا ئىنكاس قايتۇرۇش مانېۋىرى ئۆتكۈزۈلىدىغانلىقى ھەققىدە ئۇقتۇرۇش تارقاتقان.

«شىنجاڭ گېزىتى» نىڭ بۇ ھەقتىكى خەۋىرىدە ئېيتىلىشىچە، 18-سېنتەبىر چۈش سائەت 12 دە ئۆتكۈزۈلىدىغان بۇ مانېۋىر ئۈرۈمچىدىن خوتەنگىچە بولغان بارلىق ئاساسلىق شەھەرلەردە تەڭلا ئۆتكۈزۈلىدىكەن. شۇنداقلا كىشىلەرنى بۇنىڭدىن تەشۋىشلەنمەسلىككە، نورمال تۇرمۇش ۋە خىزمەتنى داۋام قىلدۇرۇشقا ئالاھىدە جېكىلىگەن.

ئەمما مۇھاجىرەتتىكى ئانالىزچىلار بۇنىڭدا ھەر خىل ئېھتىماللىقنىڭ مەۋجۇتلۇقىنى تەكىتلىدى. ئامېرىكادىكى مۇستەقىل ئانالىزچى ئىلشات ھەسەن خىتاي ھۆكۈمىتىنىڭ ئەينى ۋاقىتتا «سوۋېت ئىتتىپاقى ھۇجۇم قىلىدۇ» دېگەن ئەندىشىدە كىشىلەرنى لەخمە كولاش ۋە لەخمىلەردە ھاۋا ھۇجۇمىدىن مۇداپىئەلىنىشكە تەشكىللىگەنلىكىنى ئەسلىتىپ، «خىتاي ھۆكۈمىتى ئۆزىنىڭ دۈشمەنلىرى بەك كۆپ ئىكەنلىكىنى ياخشى بىلگەچكە ھەرقاچان مۇشۇ خىلدىكى مانېۋىرلارغا موھتاج بولۇپ كەلمەكتە» دېدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت