Хитайниң пайчәк базири җүмә күни җиддий төвәнлигән

Мухбиримиз җүмә
2015-11-28
Елхәт
Пикир
Share
Принт

Хитайниң пайчәк базири җүмә күни җиддий төвәнләп, хитай пул - муамилә базириға йәнә бир соғуқ силкиниш елип кәлгән.

Хәвәрләргә қариғанда, шаңхәй бирикмә индекси җүмә күни җәмий 5.5 Пирсәнт төвәнлигән. Бу хитай пайчәк базириниң бу йил авғусттин буянқи әң еғир төвәнлиши икән.

Хитайниң пайчәк базарлири бу йил июлдики төвәнләштә 3 тирилйон доллардин артуқ зиян көрсәткәндин кейин, хитай даирилири пайчәк алмаштур содисини тәкшүрүшкә башлиған. Бу җәрянда бир нәччә нәпәр мәбләғ селиш ширкәтлириниң мәсуллири тутулған, яки сораққа тартилған иди.

Хитай шундин кейин базарға көп нисбәттә нәқ пул киргүзүш вә бир қисим һөкүмәт игидарчилиқидики чоң ширкәтләрни пайчәк сетиштин тохтитиш қатарлиқ җиддий тәдбирләрни елип базарни оңшимақчи болған.

«Блумберг» ториниң хәвәр қилишичә, бу йил июлниң оттурилириғичә 5 миң 100 поинтқа йәткән шаңхәй индекси 2 - сентәбиргә кәлгәндә 3 миң 160 поинтқа чүшүп қалған.

Шаңхәй индекси шундин кейин бираз турақлашқан вә муәййән дәриҗидә өрлигән болсиму, 27 - ноябир йәнә төвәнләп 3 миң 436.30 Поинтқа чүшкән.

«Вол стрет журнили» дики хәвәрләргә қариғанда, хитай пайчәк базирида бу нөвәт көрүлгән йеңи давалғушниң йәниму өткүрлишидиғанлиқи мәлум.

Пикирләр (0)
Share
Толуқ бәт