Хәлқара пул-муамилә базирида хитай пулиниң курси чүшүп кәткән

Мухбиримиз җәвлан
2022.09.28
Share on WhatsApp
Share on WhatsApp

Хитай иқтисадиниң давамлиқ чекиниши вә америка мәркәз банкисиниң өсүм нисбитини өстүрүши нәтиҗисидә хитай пулиниң қиммити 2008-йилдики пул-муамилә кирзисидин буян әң төвән нуқтиға чүшүп қалған.

BBC Ториниң хәвәр қилишичә, америка мәркәз банкиси алдинқи һәптә өсүм нисбитини 0.75 Пирсәнт өстүргәндин кейин долларниң қиммити өсүп, хитай пулиниң курси чүшүп кәткән. 28-Сентәбир күнидики баһада, хитай пулини долларға нәқләштүргәндә бир долларға 7.2 Йүән тоғра кәлгән.

Хәвәрдә көрситилишичә, бу әһвал америка билән хитайниң бир-биригә зит иқтисадий сиясәт қолланғанлиқи билән мунасивәтлик икән. Хитай хәлқ банкиси ковид сәвәблик өсүмни төвәнләткән болса, америка мәркизи банкиси пул пахаллиқини тизгинләш үчүн өсүмни өстүргән.

Хитай пулиниң қиммити чүшсә хитайға мәбләғ салғучилар мәблиғини хитайдин чекиндүрүп, хитайниң иқтисадида давалғуш пәйда қилидикән; форбес ториниң 27-сентәбир күни хәвәр қилишичә, хитайдики компютер тәминлигүчи ширкәтләр ясаш санаитини хитайдин йөткәп кетишни тезләткән. Йәнә бир җәһәттин, хитай пулиниң қиммити чүшсә хитай ташқи содидин пайда алидикән, хитай маллири техиму әрзанлишип, униңға болған еһтияҗ күчийидикән.

Хәвәрдә тәһлил қилинишичә, хитай илгири өзиниң пулини пахаллаштуруш арқилиқ америка билән болған содида тәтүр баланс пәйда қилған, америка буни билсиму, бу қетим дөләт ичидики пул пахаллиқини тизгинләш үчүн өсүм өстүрүшкә мәҗбур болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.