Америка авам палата әзаси рәшенталлер хитай коммунистлириниң америка пуқраси болушиниң алдини елиш қанун лайиһәси сунди

Мухбиримиз әркин
2020-06-18
Елхәт
Пикир
Share
Принт

Америка авам палата әзаси гай рәшенталләр йеқинда қанун лайиһәси сунуп, хитай комунистлириниң америка пуқралиқиға өтүшини чәкләшни тәләп қилған.

Мәзкур қанун лайиһәсидә хитай компартийәси әзалириниң америкада мәңгү турушлуқ гуваһнамиси болған йешил картқа еришишини чәкләш тәләп қилинған. Гай рәшентолләр 15-июн күни елан қилған бу һәқтики баянатида тәкитлишичә, «хитай компартийәси йәр шари сәһнисидә американиң әқлий мүлүклирини оғрилаш, хәлқара сода қануниға хилаплиқ қилиш, қәбиһ кишилик һоқуқ дәпсәндичиликидә болуш, болупму йеқинқи вақитларда корона вирусиға алақидар учурларни йошурушни өз ичигә алған зораван вә пәрвасизларчә хаһишларда болуп кәлгән.»

У: «наһайити ениқки, хитай компартийәси әзалири бизниң америка ғайимиз вә қиммәт қаришимизға ортақлашмайду. Биз уларниң америка пуқраси болуп, барлиқ имтиязлардин бәһриман болушиға йол қоймаслиқимиз керәк,» дегән. Гай рәшенталлерниң мәзкур қанун лайиһәси президент трамп «уйғур кишилик һоқуқ сиясити қануни» ға имза қоюп, уйғур диярида кишилик һоқуқни дәпсәндә қиливатқан хитай әмәлдарлирини җазалашниң йоли ечилған бир мәзгилдә оттуриға қоюлди.

Рәшенталлерниң тәкитлишичә, униң сунған қанун лайиһәси хитай компартийәси вә униң варислириниң америка пуқраси болуши мәни қилинған кишиләр тизимликигә киргүзүлүп, хитай компартийәси әзалириниң йешил карт алмаслиқиға капаләтлик қилидикән. Американиң һазирқи қанунда «коммунист болған яки һәрқандақ бир диктатор партийәгә әза болған көчмәнләр» гә йешил карт беришни чәклисиму, лекин бу қанун һазирға қәдәр хитай коммунистлириға тәдбиқланмай кәлгән иди.

Пикирләр (0)
Share
Толуқ бәт