Хитайниң ташқи қәрзи 2 тирилйон 700 милярд долларға йетип барған

Мухбиримиз әркин
2022-01-03
Share

Хитайниң ташқи қәрзи 2021-йили 9-айниң ахирлири икки тирилйон 700 милярд долларға йетип барған. “блумберг хәвәрлири” агентлиқиниң билдүрүшичә, бу 2 тирилйон 700 милярд долларлиқ ташқи қәрзиниң 47 пирсәнти униң оттура вә узун муддәтлик қәрзи икән. Хитай дөләтлик ташқи перевот башқуруш идарисиниң муавин башлиқи ваң чүнйиң өткән җүмә күни елан қилған баянатида, хитайниң оттура вә узун муддәтлик ташқи қәрзиниң өткән йили 6-айда 3 пирсәнт артқанлиқини ейтқан.

Хитай ташқи қәрзиниң артиши униң америка билән болған сода ‍хтилапи күчәйгән, америка қанун чиқирип, униң мәҗбурий әмгәк мәһсулатлириға қарита чәкләшни йолға қойған, әнглийә билән явропа иттипақиму бу мәһсулатларни чәкләш тоғрисида қаттиқ бесимға учраватқан бир вақитта йүз бәргән. “блумберг хәвәрлири” ниң ейтишичә, 2021-йилиниң 3-пәсилидила хитай ташқи қәрзи омуми соммисиға 167 милярд 700 милйон доллар қошулған.

Хәвәрдә, хитай ташқи қәрзиниң артишида чәтәл мәбләғ салғучилириниң хитай зайомини сетивелишиниң қисмән рол ойниғанлиқи тәкитләнгән. Бирақ “блумберг хәвәрлири” ниң ейтишичә, хитай дөләтлик ташқи перевот башқуруш идарисиниң муавин башлиқи ваң чүнйиң, даириләрниң хитай ташқи қәрзиниң көлими вә қурулмисини давамлиқ йеқиндин назарәт қилип, сәрмайиниң чегра һалқиған еқиш хәвпи, шундақла йәршари характерлик юқум вә тәрәққий қилған иқтисадий гәвдиләрниң сәрмайини қисишиға қарита мудапиә тәдбирлирини алидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт