Уйғур елигә кәлгән хитай саяһәтчиләргә 200 сомдин мукапат берилмәкчи

Мухбиримиз меһрибан
2015-12-25
Share

Хитайниң "шинҗаң хәвәрләр тори" ниң 25-декабирдики хәвиридин мәлум болушичә, уйғур аптоном районлуқ саяһәт идариси йеңи йил һарписида уқтуруш чиқирип, 2015-2016-йиллиқ қиш пәслидә саяһәт өмәклириниң орунлаштуруши билән "8 милйон сом толуқлима мукапат соммиси аҗратқанлиқи" ни, "пойиз вә айропиланда уйғур аптоном райониға кәлгән саяһәтчиләр үчүн адәм бешиға 200 сом хәлқ пули мукапати берилидиғанлиқи" ни елан қилған.

Хәвәрләрдин мәлум болушичә, уйғур аптоном район даирилири 2013-йилдин башлап, хитай өлкилиридин уйғур райониға келидиған саяһәтчиләр үчүн мукапат беришни йолға қойған. Саяһәт идарисиниң бултурқи вә алдинқи йиллиридики уқтурушлирида саяһәт өмәклири билән кәлгән саяһәтчиләр үчүн адәм бешиға 200 сомдин 500 сомғичә мукапат берилидиғанлиқи елан қилинған.

Һалбуки, 2013-йили чиқирилған мукапат уқтуруши дәл үрүмчидә 22-май әтигәнлик базардики партлаш вәқәси йүз бәргәндин кейин елан қилинған. Икки йилдин буян йәнә, уйғур ели вәзийити җиддийлишип саяһәтчиликтин келидиған кирим төвәнлигәнлики һәққидики хәвәрләрму көпәйгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт