Байинғолин тәвәсидә зор санда штат сиртидики мәмурлар қобул қилинмақта

Мухбиримиз әзиз
2020-05-13
Елхәт
Пикир
Share
Принт

Йеқиндин буян қарашәһәр наһийәлик һөкүмәт көп қетим елан чиқирип, наһийә тәвәсидики «кәспий тәрбийәләш мәктипи» үчүн җәмийәттин кәспий мәмурий хадим қобул қилидиғанлиқини җакарлиған. Еланда қобул қилинидиған мәмурларниң җәмий сани ейтилмиған. Әмма «илтимас қилғучиларниң йеши 35 яштин төвән болуши керәк» дегән бәлгилимини «40 яшниң астида» дәп өзгәрткәнликидин илтимас қилғучиларниң сани күткән санға йәтмигәнлики тәхмин қилинмақта.

Бу хилдики уқтурушларни чиқарған орунларниң йәнә бири корла шәһәрлик сот мәһкимиси болуп, уларниң уқтурушида «сот хизмитиниң еһтияҗи үчүн» штат сиртида хизмәтчи хадим қобул қилинидиғанлиқи ейтилиду. Шундақла миллий бөлгүнчилик, қанунсиз диний етиқад, иҗтимаий муқимлиқ вә милләтләр иттипақлиқи саһәсидә мәсилиси барларниң тизимлитишиға болмайдиғанлиқи алаһидә әскәртилиду.

Йеқиндин буян ташқи дуняниң лагерларни тақаш һәққидики чуқанлири барғансери юқири пәллигә чиқиватқанлиқи мәлум. Лагерлар билән мунасивәтлик болған орунларға көпләп хизмәтчи қобул қилиш һадисиси тоғрисида пикир баян қилған мустәқил көзәткүчи елшат һәсән бу тоғрисида тохтилип: «мустәмликичи һакимийәт һәрқачан мәмурий саһәни өзлириниң адәмлири билән тошқузуп, шу арқилиқ контроллуқ сияситини толуқ иҗра қилиду. Бу һал гоминдаң дәвридә шундақ болған, һазирму шундақ болмақта» деди.

Пикирләр (0)
Share
Толуқ бәт