Xitay teklimakanda teywen we amérikaning gu'am arilini nishan qilghan bashqurulidighan bomba hujumi meshqi élip barghan

Muxbirimiz erkin
2022-05-13
Share

Yéqinda bayqalghan sün'iy hemrah süretliri xitayning teklimakanda teywen we amérikaning gu'am arilidiki déngiz armiye porti we chong-kichik urush paraxotlirining modélini yasap, uninggha qarshi bashqurulidighan bomba meshqi élip bériwatqanliqini ashkarlighan. Xitayning bu herkiti amérika xitayni ukra'ina urushidin paydilinip, teywen'ge hujum qilmasliqni agahlandurghan bir waqitta ashkarlip, diqqet qozghighan. “Jenubiy xitay etigenlik pochtisi” gézitining 12-may xewer qilishiche, analizchilar teklimakandiki teqlid qilip yasalghan hujum nishanlirigha a'it süretler xitay azatliq armiyesining hujum iqtidarini östürüshke kirishkenlikini körsitidu, déyishken.

Xewerde yene teklimakandiki teqlid qilip yasalghan hujum nishanlirining biri, teywenning sherqiy-shimaliki déngiz armiye bazisining modéli ikenliki, toqunushta bu baza xitayning halqiliq hujum nishanlirining biri bolidighanliqi tekitlen'gen. Sün'iy hemrah resimliridin ashkarlkinishiche, xitay azadliq armiyesi teklimakandiki teqlid qilip yasalghan bu nishanlar arqiliq, chong tipliq awiyamatkidin tartip kichik tipliq urush paraxotliri we déngiz armiye bazilirighiche bashqurulidighan bomba hujumi qilishni meshq qilghan.

Xewerde, teywen déngiz ‍armiye akadémiyesidiki bezi sabiq yétekchilerning “Modél we meshq ehwali xelq azadliq armiyesi urush pataxotlirining YJ-21 tipliq paraxotqa qarshi bashqurulidighan bombilirini gu'am déngiz armiye bazisi we (teywenning) su'aw herbiy bazisidiki nishanlargha neq tegküzüshni meshq qilghanliqini körsitidu,” dégenliki tekitlen'gen.

Bu xitay xelq azadliq armiyesining teklimakanda amérika urush baraxotlirining modélini yasap, uninggha qarshi hujum meshqi élip barghanliqining tunji qétim ashkarlinishi emes. Uning bu xil meshq élip bériwatqanliqi sün'iy hemrah süretliridin ötken yilimu ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet