Amérika dölet mejlisi kéngesh palata ezaliri xitayning tehditige qarimay teywenni ziyaret qilghan

Muxbirimiz jewlan
2022.04.15
Share on WhatsApp
Share on WhatsApp

Amérika dölet mejlisi kéngesh palata ezasi, amérika dölet mejlisi diplomatik munasiwet komitétining re'isi bob ménéndiz (Bob Menendez), jumhuriyetchilerdin bolghan kéngesh palata ezasi lindsi graham (Lindsey Graham) bashchiliqidiki dölet mejlisi wekilliri ömiki 14-aprél küni teywen'ge kélip, 2 künlük ziyaritini bashlighan.

“Firansiye agéntliqi” ning xewiride éytilishiche, amérika dölet mejlisi wekilliri ömiki 14-aprél küni kechte teywen prézidénti sey yingwén, teywen tashqi ishlar ministiri wu jawshyé bilen körüshüp, amérika-teywen munasiwiti, rayon xewpsizliki we ikki terep ortaq köngül bölidighan muhim mesililer üstide söhbetleshken.

Ruytrés agéntliqining 15-aprél küni bergen xewirige qarighanda, xitay terep amérika dölet mejlisi ezalirining teywenni ziyaret qilishigha qarshi inkas bildürüp, teywen etrapida herbiy manéwir élip barghan. Xitay herbiy terep bayanatchisi jüme küni ipade bildürüp: amérika teywen'ge xata uchur bériwatidu, dégen.

Amérikaning sabiq tashqi ishlar ministiri mayk pampéyo aldinqi ayda teywenni ziyaret qilghanda, teywenni musteqil bir dölet dep étirap qilish kéreklikini éytip, xitay hökümitini ghezeplendürgenidi.

Analizchilarning qarishiche, rusiye ukra'inagha hujum qilghandin kéyin, rusiyeni qollawatqan xitayning teywen'ge hujum qilish éhtimaliningmu barliqi amérika bilen teywen munasiwitini téximu yéqinlashturghan؛ amérika dölet mejlisi ezalirining xitayning tehditige qarimay élip barghan bu qétimliq ziyariti amérikaning teywenni qoghdash iradisini namayan qilip, xitayni agahlandurush rolini oynaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.