خىتاي ھۆكۈمىتى ئۆتكەن ئۈچ يىلدا يۈز مىڭ كىشىنى «ئىشقا ئورۇنلاشتۇرغان»

مۇخبىرىمىز ئەزىز
2020-06-10
Share

خىتاي ھۆكۈمىتى ئۆتكەن بىرنەچچە يىلدا «نامراتلىقتىن قۇتۇلدۇرۇش» نامىدا ئىشقا ئورۇنلاشتۇرغان «مائاشلىق ئىشچىلار» نىڭ سانىنىڭ ئاللىقاچان يۈز مىڭدىن ئاشقانلىقىنى مەلۇم قىلدى.

«شىنجاڭ گېزىتى» نىڭ 10-ئىيۇندىكى سانىدا ئېيتىلىشىچە، ئۆتكەن ئۈچ يىلدا قەشقەر ۋە خوتەن رايونىدا يۈز مىڭ كىشى مائاشلىق خىزمەتكە ئورۇنلاشقان بولۇپ، بۇلار بىردەك پارخانىغا ئوت قالاش، ساتىراشلىق، كەپشەرلەش، بولكا پىشۇرۇش قاتارلىق كەسىپلەرنى ئۆگىنىش ئارقىلىق ئىشقا ئورۇنلاشقانىكەن شۇنىڭدەك ئۇلار يەنە باشقا جايلارغا يۆتكەپ ئورۇنلاشتۇرۇلغان.

خىتاي ھۆكۈمىتى بۇ ئەھۋالنى «يەرلىك ئۇيغۇرلارنى نامراتلىقتىن قۇتۇلدۇرۇش خىزمىتىنىڭ نەتىجىسى» دەپ تەشۋىق قىلىۋاتقان بولسىمۇ، بىر قىسىم ئانالىزچىلار بۇلارنىڭ يەرلىرىدىن ئايرىلىپ قالغان دېھقانلار ھەمدە لاگېر مەھبۇسلىرى بولۇشى مۇمكىنلىكىنى ئالغا سۈرمەكتە. خەلقئارانىڭ بېسىملىرىغا جاۋاب بېرىش ئۈچۈن خىتاي ھۆكۈمىتى تەشكىللىگەن «لاگېر زىيارىتى» جەريانىدا ئېكىسكۇرسىيەچىلەر ئاتالمىش «كۇرسانتلار» نىڭ تۈرلۈك «كەسپىي ماھارەتلەرنى ئۆگىنىۋاتقانلىقى» نى كۆرگەنىدى.

مۇستەقىل كۆزەتكۈچى ئىلشات ھەسەن بۇ ھەقتە پىكىر قىلىپ «خىتاي ھۆكۈمىتى ھازىر ئىشخانىلاردا ئولتۇرىدىغان ۋە رەھبەرلىك قىلىدىغان ئىشلارنى خىتاي ئاققۇنلىرىغا تەقسىملەپ، يەرسىز دېھقانلار ھەمدە لاگېرلاردىن ‹ئىدىيە ئۆزگەرتىپ› چىققان مەھبۇسلارنى ئاشۇ خىلدىكى تۆۋەن مائاشلىق خىزمەتلەرگە سېلىۋاتىدۇ» دېدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت