Xitay tor bixeterliki mesiliside amérika bilen söhbet ötküzmekchi

Xitay hökümiti tor bixeterlikini kücheytish mesiliside amérika bilen söhbet ötküzüshke hazirlan'ghanliqi bildürdi we déngiz teweliki mesilisini hel qilishta amérikaning yardimige mohtaj ikenlikini ashkarilidi.

Kéler hepte amérikada istratégiye we iqtisadiy di'alogi ötküzülidighan bolup, tor bixeterliki mesilisi mezkur di'alogda otturigha qoyulidighan eng muhim témilarning biri.

Amérika bilen xitay arisida ötküzülidighan mezkur di'alogda yene iqtisad we kilimat özgirishi qatarliq mesililer otturigha qoyulidu.

Bu heqte toxtalghan xitay yardemchi diplomatiye ministiri jeng zégwang amérika bilen tor bixeterliki hemde téximu bixeter tor dunyasi berpa qilish mesilide di'alog ötküzüshke hazirlan'ghanliqini bildürdi.

Amérika xitaydin kélidighan tor oghrilirining eng éghir ziyinigha uchrighan döletlerning biri bolup, mezkur mesile yéqidin buyan amérika - xitay diplomatiyisidiki eng muhim mesililerning biri süpitide otturigha achiqqan.

Éyjing da'iriliri xitaydin amérikigha kélidighan tor hujumlirini ayaghlashturush mesiliside amérikaning qattiq bésimigha duch kelgen idi.