Uyghur élide 2014-yili qolgha élin'ghanlar ‏bir hesse köpeygen

Muxbirimiz erkin
2015-01-23
Share

Uyghur élide 2014‏-yili teptish da'iriliri teripidin eyiblinip resmiy qolgha élin'ghan adem 2013‏-yilgha qarighanda bir hesse köpeygen. Analizchilar, bu xitayning 2014‏-yili 5‏-ayda bashlighan "Térrorluq" qa qarshi qattiq zerbe bérish herikiti bilen munasiwetlik, dep körsetti.

Uyghur aptonom rayonluq yuqiri teptish mehkimisining bashliqi nishan ibrahimning ashkarilishiche, teptish da'iriliri 2014‏-yili jinayi guman bilen 27164 ademni qolgha élishni testiqlighan. Bu san, 2013‏-yili qolgha qolgha élin'ghan omumiy adem sanidin 95% köp iken.

Qolgha élin'ghanlarning bir yil ichide shiddetlik köpiyishi kishilik hoquq teshkilatlirining derhal diqqitini qozghidi. D u q bayanatchisi dilshat rishit: "Bu, sherqiy türkistanda basturushning qanchilik shiddetlik kétiwatqanliqini körsitidu" dédi.

Uning ilgiri sürüshiche, nöwette xitay hökümiti Uyghurlarni barliq xelq'ara ehdiname, qanun tertiplerni qayrip qoyup basturmaqta iken.

Nishan ibrahim peyshenbe küni Uyghur aptonom rayonluq xelq qurultiyi yighinida bergen doklatida, "Biz térrorluqqa alaqidar zor délolarda qolgha élish bilen jazalash waqtini qisqarttuq. Imkaniyetning bariche téz sotlap, térrorluqqa qarshi küreshtiki qet'iylikimizni ispatliduq" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet