Uyghur élide yene 6 kishi "Ösek söz tarqitish" jinayiti bilen jazalandi

Muxbirimiz irade
2013-07-04
Share

Uyghur élidiki j x organliri uchur wasitiliridin paydilinip, ighwa tarqitish jinayiti bilen yene 6 kishige memuriy jaza bergen. Bu kishiler ayrim-ayrim halda kucha, börtala, ürümchi we shixenzilerde qolgha élin'ghan.

Xewerde éytilishiche, bu ösek söz tarqatqanlar uchur-alaqe wasitiliride milletler ittipaqliqigha qattiq buzghunchiliq qilidighan sözlerni ishletken yaki xelqni wehimige salidighan xewerlerni tarqatqan. Mesilen, shixenze shehiridiki melum karxana xizmetchisi süy sina mikro bilogida shinxu'a agéntliqining namini ishlitip turup, bingtu'endiki köp jaylarda térrorluq hujumi qilish weqesi yüz berdi, nechche yüz kishi öldi" dégen xewerni tarqatqan.

Xewerlerde bu ighwa tarqatquchilarning toluq ismi we milliti éniq tilgha élinmighan bolsimu, emma ularning familisidin xitay millitidin ikenliki melum bolmaqta. Uyghur éli da'iriliri téxi ötken hepte ürümchide ighwa tarqatqan 19 kishini qolgha alghanliqini uqturghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet