Хитай корона вируси сәвәблик пул-муамилә вә сода мәркизи болған шаңхәй шәһирини тақайдиған болди

Мухбиримиз әркин
2022.03.28
Share on WhatsApp
Share on WhatsApp

Хитай һөкүмити корона вирусиниң шиддәтлик ‍өрлиши сәвәблик ‍бөзиниң ‍әң чоң пул-муамилә вә сода мәркизи болған шаңхәй шәһирини тақайдиғанлиқини елан қилған. Чәтәл таратқулириниң хәвәр қилишичә, нопуси 26 милйонлуқ шаңхәй шәһири хитайниң “нөл корона вируси” сияситиниң синақ мәйданиға айланған. Шаңхәй шәһири корона вируси юқуминиң йеңи санлиқ мәлумати елан қилинғандин кейин пүтүн шәһәрни тақап, 9 күн ичидә икки басқучлуқ корона вируси синиқи елип баридиғанлиқини билдүргән.

Даириләрниң ейтишичә, пүтүн шәһәр хуаңпо дәрясини чегра қилған һалда шәрқ вә ғәрб, дәп икки юқум райониға айрилидикән. Хәвәрдә, биринчи басқучлуқ тәкшүрүшиниң 28-марттин 1-апрелғичә, иккинчи басқучлуқ тәкшүрүшниң 1-марттин 5-мартқичә елип берилидиғанлиқи, бу җәрянда аммиви қатнаш әслиһәлирини ‍өз ичигә алған қатнаш алақиси, ширкәт, завутларниң иштин тохтайдиғанлиқи, пәқәт йемәклик тәминләйдиған вә мулазимәт қилидиған орунларниң буниңдин мустәсна икәнлики билдүрүлгән. Мәлум болушичә, йеқинқи бир айдәк вақиттин бери корона вируси билән елишип кәлгән шаңхәй шәһиридә, өткән шәнбә йәни 26-март күни юқумниң тарқилиши әң юқири нуқтиға йәткән.

Бир күнниң ичидә кесәллик аламити йоқ юқумдарлар 2631 гә йетип, шу күни хитай миқясида байқалған бу хил юқумдарларниң 60 пирсәнтини тәшкил қилғаниди. Көзәткүчиләрниң ейтишичә, шаңхәйдә байқалған юқум сани хәлқаралиқ ‍өлчәм бойичә анчә көп һесабланмисиму, бирақ “нөл корона вируси” сияситини йолға қоюп кәлгән хитай һөкүмити омумйүзлүк контрол қилишни йолға қоюш арқилиқ хәлқни ачарчилиқта қоюш билән әйиблинип кәлгән. Даириләр бу йил 1-айда ‍уйғур елиниң қорғас наһийәсидә байқалған юқумдиму пүтүн или вадисини тақиғаниди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.