Даириләр қәшқәрдә “җуңго қәшқәр тори” ни йолға қойған

Хәлқ тори уйғурчә қанилиниң бүгүнки хәвиригә қариғанда, шәндуң өлкиси билән қәшқәр вилайити бирлишип, уйғур вә хитай тил-йезиқидики “җуңго қәшқәр тори” ни йолға қойғанлиқи мәлум.

Хәвәрдә илгири сүрүлүшичә, шәндуң өлкиси “җуңго қәшқәр тори” ни қуруп чиқиш түригә җәмий 30 милйон сом мәбләғ салған болуп, уни нөвәттә хитай һөкүмити күчәп тәшвиқ қиливатқан “йипәк йоли иқтисад бәлвеғи” дики көп тиллиқ тор бекитигә айландурушни нишан қилмақтикән.

Игилинишичә, “җуңго қәшқәр тори” шәндуң өлкилик парткомниң “мәдәнийәт арқилиқ шинҗаңға ярдәм бериш түри” болуп, мәзкур торни қәшқәр вилайәтлик партком тәшвиқат бөлүми билән “қәшқәр гезити” бирликтә башқуридикән. Униңда асаслиқи қәшқәрни мәркәз қилған йипәк йоли бәлвеғидики иқтисадий вә мәдәнийәт учурлирини тарқитиш, аталмиш “милләтләр иттипақлиқи” тәшвиқ қилиш һәмдә қәшқәрниң образини тикләш қатарлиқ мәзмунлар тонуштурулидикән.

Хитай һөкүмитиниң ғәрбни ечиш истратегийәси йолға қоюлғандин буян, уйғур аптоном районидики һәр бир вилайәт вә област мәлум бир хитай өлкисигә бағлап берилгән болуп, көзәткүчиләр буни уйғур елиниң байлиқ мәнбәлирини бөлүп талан-тараҗ қилиш шундақла ички хитайдин көчмән көчүрүш истратегийәсиниң бир қисмидур, дәп қаримақта.