Д у қ, хитай әмәлдарлириниң ислам қурултийида уйғурларға диний радикаллиқ қалпиқи кийдүргәнликини әйиблиди

Мухбиримиз меһрибан
2016-11-29
Share

Дуня уйғур қурултийи баянатчиси дилшат ришит бүгүн радийомиз арқилиқ баянат берип, "хитай әмәлдарлириниң уйғурларға диний радикаллиқ қалпиқи кийдүрүши, хитай һөкүмитиниң нөвәттә йүргүзүватқан уйғурларни бастурушини қанунлаштуруш рәзил мәқситини ечип бериду" дәп әйиблиди.

Қурултай баянатчиси дилшат ришит хитай дөләтлик диний ишлар идариси әмәлдари ваң зо әнниң 26-ноябир бу һәқтә қилған сөзидин нәқил елип, "хитай һөкүмити нөвәттә уйғурларға қарита йүргүзүватқан диний бастуруш сиясити арқилиқ, хитай өлкилиридә тирикчилик қиливатқан уйғурларға ғәрәзлик һалда диний радикал қалпиқини кийдүрүп, уйғурларни хитай өлкә, шәһәрлиридин тазилаш мәқситини қанунлаштурмақчи" деди.

Мәлум болушичә, хитай диний ишлар идариси башлиқи ваң зоән хитайниң 10-нөвәтлик мәмликәтлик ислам дини вәкилләр қурултийида сөз қилип, хитай өлкилири вә уйғур аптоном райониниң муқимлиқиға капаләтлик қилиш үчүн, диний радикаллиққа қарши турушниң муһимлиқини тәкитлигән. Әмма хитай вәзийитини узундин буян көзитип келиватқан вәзийәт анализчилири, чәтәлләрдики уйғур тәшкилатлири вә кишилик һоқуқ тәшкилатлири болса райондики муқимсизлиқ амиллириға хитай һөкүмитиниң диний вә миллий җәһәттики бастуруш сиясити сәвәб болуватқанлиқини тәкитлимәктә.

Программимизниң давамида бу һәқтики тәпсилий мәлуматлиримизни аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт