Мустәқил тәкшүрүш коллегийәси хитайдики адәм ички әзалирини көчүрүш һәққидики кесимини елан қилди

Мухбиримиз сада
2019-06-18
Share

17-Июн хитайдики виҗдан мәһбуслириниң ички әзалирини мәҗбурий көчүрүш тәтқиқати билән шуғуллинидиған мустәқил тәкшүрүш коллегийәси (хитай тәкшүрүш коллегийәси) хитайниң мәҗбурий адәм ички органлирини көчүрүш қилмишини ипадә қилған 60 бәткә йеқин тәпсилаттин тәркиб тапқан бир кесимни елан қилған.

Мәзкур кесимдин мәлум болушичә, хитайдики мәҗбурий орган көчүрүш һәрикитидә фалунгоңчилар вә уйғурлар асаслиқ нишан қилинған. 

Кесимдә йәнә: "хитайниң мәҗбурий орган көчүрүши пәқәт юқири соммилиқ пайдини көзләп қилинған. Бу һәргизму бәзи биологийилик вә физикилиқ тәтқиқат билән шуғуллинидиған орунларниң орган тәтқиқати билән охшимайду" дейилгән. 

Мәзкур кесим шу коллегийәгә йиғилған паалийәтчиләрниң хитайниң адәм ички әзалирини мәҗбурий көчүрүш қилмишини әйиблиши мәқситидә елан қилинған. Гәрчә кесимниң қануний күчи болмисиму, әмма мустәқил тәкшүрүш коллегийәси буниң орган көчүрүшниң зиянкәшликигә учриғанларниң аилә-тавабатлири үчүн мәлум дәриҗидә тәсәлли болушини үмид қилған шундақла буниң хәлқара тәшкилатларниң хитайдики орган көчүрүш мәсилисигә қарита алидиған тәдбирлири үчүн муһим материял болидиғанлиқини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт