Хитайда 20 дин артуқ шәһәрдә қизил сизиқлиқ муһит булғиниш агаһландуруши берилди

Мухбиримиз меһрибан
2017.01.03
Share on WhatsApp
Share on WhatsApp

Йеңи йил кириши билән хитайда йәнә 20 дин артуқ шәһәрдә қоюқ туман һәққидә қизил сизиқлиқ агаһландуруш берилди.

Хитайниң һөкүмәт таратқулиридин шинхуа агентлиқи қатарлиқларниң 3-январдики хәвәрлиридә йеңи йил кириши билән шималий хитай районида қоюқ туманлиқ һава райи һадисиси көрүлгәнлики, бейҗиң қатарлиқ 72 шәһәрдә қениқ сериқ рәңлик агаһландуруш берилгәнлики, хебий өлкисиниң бавдиң, шиҗаҗуаң қатарлиқ 24 шәһәрниң туманлиқ булғиниши қизил сизиққа йәткәнлики хәвәр қилинди. Үндидар қатарлиқларда бейҗиң шәһиридики еғир муһит булғиниши нөвәттә пуқраларниң бу шәһәрдә сағлам яшаш имканийитини қоймиғанлиқи муназирә темиси болди.

Қиш пәслидә хитай шәһәрлиридә йүз беридиған қоюқ туманлиқ һава райи һадидиси йеқинқи йиллардин буян барғанчә еғирлашқан. Хитай һөкүмити гәрчә бу хил қоюқ туманниң муһит булғиниши сәвәбидин йүз бәргәнлики һәққидики хәвәрләрни чәклигән болсиму, әмма хитайдики иҗтимаий таратқулардики муназириләрдә вә хәлқара таратқуларда хитайда барғанчә еғирлишиватқан начар һава райи килиматиға йеқинқи 30 йилдин буян елип берилған иқтисадий тәрәққият намидики қурулушта, иқтисадий мәнпәәтнила қоғлишип, екологийилик муһитниң еғир дәриҗидә бузулғанлиқи сәвәб болғанлиқи илгири сүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.