Xitay hökümiti béyjingning is-tüteklik hawasidin melumat béridighan közitish mashinilirini bir hesse köpeytken

Muxbirimiz qutlan
2016.02.22
Share on WhatsApp
Share on WhatsApp

Roytérs agéntliqining xewirige qarighanda, xitay hökümiti paytext béyjingning is-tüteklik bulghan'ghan hawasidin aldin melumat béridighan közitish mashinilirining sanini bir hesse köpeytkenliki melum.

Xewerde déyilishiche, béyjing sheherlik muhit tekshürüsh merkizining bashliqi jang dawéy shinxu'a agéntliqigha melumat bérip, béyjing shehiride eslide bar bolghan 35 hawa süpitini ölchesh békitining nöwette 65 ke köpeytilgenlikini ilgiri sürgen.

Melumki, xitay paytexti béyjing 1990-yillardin buyan xelq'arada “Is-tüteklik bulghan'ghan sheher” dégen nam bilen bilinishke bashlighan. Xitaydiki ékologiyelik muhitning éghir derijidiki bulghinishi we tupraqning qumlishishi shamal éghizi hésablan'ghan béyjing shehirining muhitigha zor tehdit peyda qilghan.

Muhit tetqiqatchiliri her yili etiyazda béyjing shehirige tehdit salidighan qum boran menbesining teklimakan chöllükidin bashlinip gobi chöli arqiliq béyjing shehirige yétip kélidighanliqini otturigha qoyghan.

Xitay hökümiti béyjing shehirining muhit we hawa süpitini yaxshilash üchün ghayet zor meblegh serp qiliwatqan bolsimu, lékin hazirghiche körünerlik ünümge érishelmeywatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.