Enyang shehiride qurulush ishchiliri ish heqqini telep qilip namayish qildi

Muxbirimiz méhriban
2015-01-29
Share

Xénen enyang shehiride 27-yanwar küni 400 din artuq qurulush ishchisi ish heqqini telep qilip, kocha aylinip namayish qildi. Radi'omiz igiligen uchurlardin melum bolushiche, namayishning dawami toqunushqa aylan'ghan. Sheherlik hökümet ewetken saqchilar namayish bashlamchisini tutqun qilghan. Ishchilardin birqanchisi saqchilar teripidin urup yarilandurulghan.

Namayishtin xewiri bar bireylenning bildürüshiche, enyang shehiride "Lungyüé yéngi esir soda merkizi binasin" qurulushida ishligen 2000 din artuq qurulush ishchisining bir yilliq ish heqqi tutup qélin'ghan. Ishchilar ilgiri köp qétim sheherlik hökümetke bérip özlirining tutup qélin'ghan ish heqqini bérishni telep qilghan. Emma qayil qilarliq jawabqa érishelmigenliki üchün, ishchilar kocha aylinip sho'ar towlap naraziliq namayishi élip bérishni qilghan.

Bu kishining bildürüshiche, sheherlik hökümet ewetken saqchilar küch ishlitip, namayishchilarni zorluq bilen tarqitiwétishke urun'ghanliqi üchün, namayishning dawami toqunushqa aylinip, bir neper ishchi éghir yarilan'ghan, 3 nepiri yénik yarilan'ghan. Namayish bashlamchiliridin bireylen saqchilar teripidin tutup kétilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet