Тибәт паалийәтчиниң бәш йиллиқ қамаққа һөкүм қилиниши зор ғулғула қозғиди

Мухбиримиз әзиз
2018-05-22
Елхәт
Пикир
Share
Принт

Бирләшмә агентлиқниң хәвиригә қариғанда, хитай сот мәһкимиси 22-май күни тибәт дукандар ташқи ваңчукни бәш йиллиқ қамаққа һөкүм қилған.

Мәлум болушичә, ташқи «нйо -йорк вақти» гезитиниң мухбирлири тибәт райониға һөҗҗәтлик филим ишләшкә кәлгәндә тибәт мәдәнийити вә тибәт тил-йезиқиниң йоқиливатқанлиқини һәққидә пикир қилған. Бу һәқтики инглизчә мақалә вә қисқа син филими торларда кәң тарқалғандин кейин хитай һөкүмити 2016- йили уни қолға алған.

Мәлум болушичә, бу йил 32 яшқа киргән ташқи әйни вақитта һөҗҗәтлик филимда сөз қилған һәмдә тибәт хәлқиниң қаттиқ бесим вә қорқунч ичидә яшаватқанлиқини, өзиниң «тибәт мәдәнийити мушу йосунда вәйран болуп кетәрму» дегән әндишидин хали болалмай келиватқанлиқини баян қилған икән.

Алақидар һәқ вә һоқуқ тәшкилатлири болса униң баян қилғанлири әмәлийәттә дәл хитай һөкүмити иҗра қиливатқан «маарипта вә хизмәттә хитайчини асас қилиш» арқилиқ тибәт тил-йезиқини вә мәдәнийитини йәкләш йүзлинишиниң васитилик әкс етиши икән.

«Җәнубий хитай сәһири гезити»ниң хәвиридә ейтилишичә, ташқи ваңчук ейтқан әһвал уйғурлар дияридиму әйнән йүз бериватқан болуп, хитай көчмәнлириниң кәлкүн кәби йопурулуп келиши билән йәрлик милләтләрниң йәклиниши барғансери еғирлап маңмақта икән. Шуниң билән биргә һеч йәрни ала қоймиған назарәт механизми вә қаттиқ қоллуқ билән иҗра қилиниватқан «идийә өзгәртиш» һәрикити уйғурларниң хитай компартийәсигә болған садақитини ашурушни мәқсәт қилмақта икән.

Пикирләр (0)
Share
Толуқ бәт