Хитай өлкилиридә оқуйдиған уйғур алий мәктәп оқуғучилар сани 10 миңға йәткүзүлмәкчи
Тәңритағ ториниң хәвәр қилишичә, хитай өлкилиридики алий мәктәпләрниң 7-қетимлиқ аталмиш шинҗаңға ярдәм бериш һәмкарлиқ йиғини өткән һәптә үрүмчидә өткүзүлгән.
Йиғинда 2016-йилдин 2020-йилғичә уйғур районидин оқуғучи қобул қилишни йилму-йил кеңәйтиш һәққидә һәмкарлиқ пилани оттуриға қоюлуп келишим имзаланған.
Хәвәрдә баян қилинишичә, келишим бойичә 2020-йилиға қәдәр хитай мәркизигә қарашлиқ 96, өлкә шәһәрлиригә қарашлиқ 227 алий мәктәпкә уйғур аптоном районидин қобул қилинидиған аз санлиқ милләт оқуғучилар сани 10 миңға йәткүзүлидикән.
Хәвәрдә мәзкур пилан аз санлиқ ихтисас игилирини тәрбийиләш дәп тәрипләнгән, әмма хәлқара вәзийәт көзәткүчилири, хитайниң уйғур оқуғучиларни хитай өлкиридә тәрбийиләштә йилсери күчийип бериватқан уйғур миллий мустәқиллиқ һәрикитини чәкләшни мәқсәт қилғанлиқини оттуриға қоймақта, бәзи көзәткүчиләр мәзкур пилан уйғурларда миллий аңниң аҗизлишишини кәлтүрүп чиқиридиғанлиқини пәрәз қилишса, йәнә бәзи көзәткүчиләр алҗирийәни фирансийә мустәмликисидин қутулдурғанлар франсузчә оқутулған алҗирийәликләр икәнликини әслитип, хитайниң мәзкур пиланида чотниң хата соқулғанлиқини илгири сүрүшмәктә.
- Адриян зенизниң чамасқа суали: "әгәр сениң ата-анаңму лагерға соланған болса, кариң болмамти?"
- Бир аилидики 5 аялға еғир җаза кәскән корла хәлқ сот мәһкимиси һөкүмнамисиниң чинлиқи дәлилләнди
- Рәйһан әсәт: "иним әкбәрни вә башқа милйонлиған инсанларни набут қилғанлар җавабкарлиққа тартилидиған күнләр чоқум келиду"
- Корладики ача-сиңил мәһкумлардин мәликәзат билән патигүлниң санҗи аяллар түрмисидә җаза муддити өтәватқанлиқи дәлилләнди
- Лагер шаһиди меһригүл турсунниң гуваһлиқи һәққидики германчә китаб нәшрдин чиққан
