Америка кеңәш палатаси америка армийәсиниң тинч окянда хитайға тақабил турушиға 6 милярд доллар аҗратқан

Мухбиримиз әркин
2020-06-12
Елхәт
Пикир
Share
Принт

Америка кеңәш палатасиниң һәрбий ишлар комитети 11-июн күни америка армийәсиниң хитайниң тинч окян районидики тәһдитигә тақабил туруши үчүн 6 милярд долларлиқ қошумчә һәрбий хам чот аҗритишни мақуллиған. «Мудапиә хәвәрлири» ториниң ашкарилишичә, буниң билән америка армийисиниң тинч окяндики һәрбий күчини күчәйтип, хитайға тақабил туруш тоғрисидики бу һәрбий хам чот лайиһә рәсмий қанунға айлинишқа бир қәдәм йеқиншлашқан. 6 Милярд долларлиқ қошумчә һәрбий хам чот аҗритиш тоғрисидики бу лайиһә американиң 2021-йиллиқ дөләт мудапиә хам чот һоқуқи қануниға киргүзүлгән.

Кеңәш палатаси һәрбий ишлар комитетиниң тәкитлишичә, бу қошумчә һәрбий фундиниң 2021-йиллиқ америка дөләт мудапиә хам чот һоқуқи қанунида орун елиши «американиң һинди-тинч окян районидики мәнпәәтини қоғдаш ирадисидә чиң туридиғанлиқи тоғрисида хитай компартийәсигә берилгән күчлүк сигнал» икән. Һәрбий ишлар комитети өзиниң бу һәқтики һөҗҗитидә, бу лайиһә «нишанниң һәрбий иқтидардики ачқучлуқ пәрқләргә мәркәзлишип, американиң иттипақдаш вә шериклирини хатирҗәм қилиду. Униң һинди-тинч окян районидики тәһдит селиш күчигә болған ишәнчини ашуриду» дейилгән.

Кеңәш палатаси һәрбий ишлар комитети пәйшәнбә күни американиң 2021-йиллиқ дөләт мудапиә хам чот һоқуқи қанунини мақуллап, келәр йиллиқ америка дөләт мудапиә хам чотини 740 милярд 500 милйон долларға чиқарған. Мәзкур мудапиә хам чоти қануни хитай җәнубий деңизда өзиниң һәрбий күчини давамлиқ кеңәйтиватқан, бу райондики аралларда һәрбий базиларни қуруп, пүткүл җәнубий деңизда игилик һоқуқ тәләп қиливатқан, американиң бу райондики һәрбий мәвҗутлуқи, униң бу райондики иттипақдашлириға җиддий тәһдит селиватқан мәзгилдә мақулланди.

Пикирләр (0)
Share
Толуқ бәт