Уйғур елидики наһийәләрдә хитай яки хитай тиллиқ хизмәтчи қобул қилиш еланлири көпләп елан қилинмақта

Мухбиримиз ирадә
2019-04-11
Елхәт
Пикир
Share
Принт

Уйғур елидики ишләпчиқириш-қурулуш армийәси, йәни биңтуән өзиниң тор-учур ишханисиға хитай өлкилиридин адәм қобул қилидиғанлиқи һәққидә елан чиқарған.

Җуңго хәвәрләр ториниң бу һәқтики хәвиригә қариғанда, уйғур районлуқ биңтуән парткоминиң тор-учур ишханиси уқтуруш чиқирип, хитай өлкилиридин 5 нәпәр муавин ишхана башқарма дәриҗилик хадим қобул қилидиғанлиқи җакарлиған.

Бундин башқа йәнә уйғурлар бир қәдәр зич олтурақлашқан чәрчән наһийәлик һөкүмәт тор бетидә чәрчәндики тор-учур чәклик ширкити вә теббий дора ширкити қатарлиқ 4 орунға адәм қобул қилиш һәққидә уқтуруш берилгән. Бу уқтурушларниң бәзилиридә қобул қилинидиғанларға ениқ қилип хитай миллитидин қобул қилинидиғанлиқи йезилған. Милләт чәклимиси қоюлмиғанлириға «қобул қилинидиған аз санлиқ милләт намзатлири дөләт тилини мукәммәл билиши керәк» дегән шәрт қошулған.

Уйғур елидики һәрқайсий наһийәләрниң тор бәтлиридә йеқиндин буян хитай миқясидин хизмәтчи қобул қилиш еланлири көпләп берилмәктә. Чәтәлләрдики көзәткүчиләр уйғур елидә 800 миңдин 2 милйонғичә уйғур лагерға қамалған бир әһвалда даириләрниң хитай өлкилиридин җиддий һалда хитай әмгәк күчи толуқлаватқанлиқини пәрәз қилишмақта.

Пикирләр (0)
Share
Толуқ бәт