Хитай хоңкоңда «тйәнәнмин вәқәси» ни қайта садир қилмаслиқ һәққидә агаһландурулди

Мухбиримиз әркин
2019-08-16
Елхәт
Пикир
Share
Принт

Хитайниң шинҗенға әскәр топлаватқанлиқи һәққидики хәвәрләр әндишә қозғаватқан бир вақитта юқириқи дәриҗилик бир америка әмәлдари хитайни хоңкоңда «тйәнәнмин вәқәси» ни қайта садир қилмаслиқ һәққидә агаһландурди. Президент трампниң дөләт хәвпсизлик баш мәслиһәтчиси җон балтон хитай һөкүмитиниң хоңкоңда намайишчилар билән сақчилар оттурисидики тоқунушни баһанә қилип, намайишчиларни бастурушиға қарши икәнликини билдүргән.

Җон балтон 15‏-авғуст «америка авази» радиосиниң зияритини қобул қилғанда бу агаһландурушни бәргән. У, хитайниң қәдимини наһайити еһтият билән бесиши керәклики, чүнки, америка хәлқиниң тйәнәнмин вәқәсини унтуп қалмиғанлиқини тәкитлигән. Җон балтон бу сөзләрни хитай һөкүмитиниң хоңкоңға киргүзүш үчүн шинҗенға әскәр топлиғанлиқиға даир хәвәрләр кәң тарқалған бир вақитта қилди. 

Буниң сәл алдида президент трамп хитайниң хоңкоң әтрапиға әскәр топлиғанлиқиға даир истихбарат учурлириға еришкәнликини билдүргәниди. Җон балтон америка хәлқиниң тйәнәнмин вәқәсини унтуп қалмиғанлиқини әскәртип: «улар қатар тизилған танкиларниң алдини тосиған адәмниң рәсимини унтуп қалмиди. . . . . . Улар әркинлик һәйкилини, хитай хәлқиниң әркинлик, демократийә тәләп қилиш садасини, хитай һөкүмитиниң 1989‏-йилдики бастурушини унтуп қалмиди» дегән. 

Җон балтонниң агаһландурушичә, «хитай һөкүмитиниң хоңкоңда тйәнәнмин вәқәсидәк бир вәқәни пәйда қилиши наһайити чоң хаталиқ болидикән.» У, хитайниң бундақ бир һәрикити америка дөләт мәҗлисиниң шиддәтлик инкасини қозғайдиғанлиқини агаһландуруп, «дөләт мәҗлисидә кәйпият бәк җиддий, хитай һөкүмитиниң һәрқандақ хата қәдими дөләт мәҗлисиниң партилишиға сәвәб болиду» дегән. Лекин, хитайниң әнглийәдә турушлуқ баш әлчиси лю шавмиң пәйшәнбә күни баянат елан қилип: хоңкоң вәзийити давамлиқ яманлашса, бейҗиң һөкүмитиниң қарап турмайдиғанлиқи, «бейҗиңниң қалаймиқанчилиқни тез арида бесиқтурушқа чариси вә күчи барлиқи» ни билдүргән.

Пикирләр (0)
Share
Толуқ бәт