Хитай һөкүмитиниң хоңкоңдики сайламға арилишиши тәнқид қилинди

Мухбиримиз ирадә
2017-03-28
Share

Бир қисим америка дөләт мәҗлиси әзалири баянат елан қилип, хитай һөкүмитиниң хоңкоңдики сайламға арилашқанлиқини тәнқидлиди.

Бирләшмә агентлиқиниң хәвәр қилишичә, хоңкоңда йәкшәнбә күни елип берилған сайламда хитай һөкүмити бекиткән намзатлар ичидин кәррий ләм хоңкоң валийлиқиға сайланған болуп, кәррий ләм өзиниң хитай компартийисигә алаһидә йеқинлиқи билән тонулидиған намзат икән.

Америка һөкүмити вә мәҗлиси қармиқидики хитай ишлири комитетиниң башлиқлири марко рубийо вә киристофер симис дүшәнбә күни бу һәқтә елан қилған баянатида, хитай һөкүмитиниң хоңкоңдики аллиқачан наһайити чәкләнгән бир шараитта елип берилған сайламдиму сайлам комитетиға бесим қилиш арқилиқ сайламға арилашқанлиқини, бу вәзийәтниң өзлиридә җиддий әндишә пәйда қилғанлиқини билдүрди.

Кирис симис кәррий ләмниң бейҗиң һөкүмити таллиған бирилиқиниң наһайити ениқлиқини әскәртип туруп, хоңкоңни қанун арқилиқ идарә қилишниң бундин кейин йәниму қийинлишидиғанлиқини билдүрди.

Хоңкоң валийси сайлими узундин бери диққәт нуқтиси болуп кәлгән вә нурғун алий мәктәп оқуғучилири намайиш қилип, бейҗиң һөкүмитиниң буниңға арилишишиға наразилиқ билдүргән. Бу һәқтики хәвәрләрдин қариғанда, сайлам нәтиҗиси ениқ болғандин кейин, оқуғучилар намайиши йетәкчилири сақчи даирилири тәрипидин тутуп сорақ қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт