Xoten wilayiti tewesidiki ikkinchi nahiye derijilik sheher dunyagha keltürüldi

Muxbirimiz ümidwar
2016-02-28
Share

Ishlep chiqirish qurulush armiyisining bashqurushida Uyghur diyarining jenubida yene bir nahiye derijilik sheher resmiy qurulup wiwiska asti.

Qurumqash dep atalghan bu sheher ishlepchiqirish qurulush armiyisining xoten wilayitige orunlashturulghan 14 - diwiziye,224 - polkida qurulghan bolup, bu xoten shehiridin 70 kilométir yiraqliqqa jayliship, xoten wilayitidiki qaraqash, guma we chira nahiyilirining tewelikliri bilen tutushidiken. Memuriy bashqurush jehettin 14 - diwiziye 224 - polki, 47 - polki we guma déhqanchiliq we charwichiliq meydani qatarliqlarni öz ichige alidiken.

"Xelq tori", "Tengritagh tori" we bashqa ammiwi axbarat wasitilirining xewiridin melum bolushiche, 26 - féwral küni224 - polk merkizi jaylashqan rayonda sheherning qurulghanliqini jakarlash murasimi ötküzülüp, sheherning yopuqi échilghan.

Qurumqash shehirini qurushni bu yil 7 - yanwar küni xitay dölet ishliri kabinéti qarar qilghandin kéyin,2 - féwral küni Uyghur aptonom rayonluq hökümet testiqlighan.

Melum bolushiche, qurumqash shehiri 1949 - yili Uyghur diyarigha kirgen xitay azadliq armiyesining bir qisimi asasida qurulghan ishlepchiqirish qurulush armiyisi kontrolluqidiki toqquz sheherning biri hésablinidiken.

Xitay axbarat wasitilirining xewiride éytilishiche, shinjang Uyghur aptonom rayonluq hökümet qurumqash shehirining ishlepchiqirish - qurulush armiyisi 14 - diwiziyesining konkrét bashqurushida bolushigha qoshulghan.

Xewerde éytilishiche. Sheher nopusini 2030 - yilighiche 170 mingdin 200 minggha yetküzüsh pilanlan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet