Хитайда әркин асия радиоси янфон юмтали қатарлиқ 9 хил әп чәкләнгән

Мухбиримиз меһрибан
2016-04-21
Share

Үндидар салони қанун сәһиписидә 20- апрел тарқалған бир уқтурушта янфон ишләткүчиләр әркин асия радиоси янфон юмтали қатарлиқ 9 хил янфон юмталини ишлитиштин һәзәр әйләшкә чақирилған.

Буниңда интернет тосуқлиридин мәхпий өтүш қорали VPN йәни "мәвһум хусусий тор", әркин асия радиоси янфон юмталлири, фейсбок, твиттир қатарлиқлар иҗтимаий таратқуларниң янфон әплири алдинқи орунға тизилған.

VPN Хитайниң тор тосуқлиридин өтүп мәхпий улиниш билән тәминләйдиған интернет мулазимити болуп, бу мулазимәт қоллинилса интернет хитай мулазиметирлиридин хупиянә һалқип өтүп хитайда чәклигән барлиқ тор бәтлирини улиниш билән тәминләйдикән.

Әркин асия радиоси һәққидә берилгән изаһатта, "бу тор бәттә җуңгониң игилик һоқуқи, земин пүтүнлүкигә дәхли қилидиған әксийәтчил мәзмунлар бар, бу детални һәргиз қачилимаң, әгәр сиз сетивалған нимкәш телефонда яки башқиларниң телефонида бу хил әп сақланған болса чоқум җ х органлириға мәлум қилиң" дәп көрситилгән.

Хитай һөкүмити узундин буян чәтәл таратқулири вә хәлқарадики иҗтимаий алақә торлирини чәкләштин башқа, әркин асия радийосини аңлиғучиларниму җинайи җавабкарлиққа тартип келиватқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт