Yaponiyening yéngi awi'amatka pilani xitayni endishige saldi

Muxbirimiz shöhret hoshur
2017.12.28

Yéqindin buyan yaponiyening amérikidin f-35b tipliq ré'aktip küreshchi ayropilan sétiwalmaqchi bolghanliqi hemde buninggha mas halda özining “Izumo” we “Kaga” namliq urush paraxotlirini awi'amatkigha özgertish pilani xitay terepning qattiq naraziliqini qozghighan.

Xitay tashqi ishlar ministirliqining bayanatchisi xu'a chüyying bügün bu heqtiki endishisini mundaq bayan qildi: “Yaponiyening izumo urush paraxotini özgertish pilani tarixiy sewebler tüpeylidin qoshnilirining diqqitini tartidu. Biz yaponiyeni öz'ara ishenchni, rayon tinchliqi we muqimliqini mustehkemlesh yönilishide heriket qilishqa dewet qilimiz.”

Melum bolushiche, yaponiyening “Izumo” we “Kago” urush kémilirining uzunluqi 248 métir, kengliki 38 métir, éghirliqi 25 ming tonna bolup, ular 2‏-dunya urushida amérikining tinch okyandiki pé'aril xarbor portigha hujum qilghan chéghida ishlitilgen iken. 

Awstraliye axbaratining bügünki bu heqtiki xewiride bayan qilinishiche, xitayning yéqinqi yillardin buyan sénkaku qatarliq talash-tartishtiki arallar etrapida herbiy mewjudiyiti bilen igidarchiliq urunushini yenimu kücheytishi yaponiyening hoshyarliqini östürgen. Yaponiye bash weziri shinzo abé 2018‏-yili herbiy xamchotini 48 milyard dollargha östürgen. 

Xu'a chünying bügünki bayanatida yene yaponiyeni öz qanunliridiki alaqidar maddilarni unutmasliqqa chaqirghan. Yaponiye asasi qanunining toqquzinchi maddisida yaponiyening igilik hoquqi dexli-teruzgha uchrimighiche urushtin uzaq turush pirinsipi békitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.