Uyghur élining aqtu we qutubi nahiyiliride yer tewrigen

7- We 8-dékabir künliri Uyghur élining bir qisim jaylirida yer tewrigen. Tengritagh torida bérilgen xewerdin qarighanda, 7-dékabir charshenbe küni qizilsu oblasti aqtu nahiyeside 3.1 Bal yer tewrigen, tewresh menbesining chongqurluqi 6000 métir bolghan. Etisi, sanji oblastining qutubi nahiyeside 6.2 Bal yer tewrigen, tewresh menbesining chongqurluqi 6000 métir bolghan. Qutubi nahiyisidiki bu qattiq yer tewresh ürümchi, ili we aqsudimu hés qilin'ghan.

Biraq, yuqiridiki xewerlerning héchqaysida yer tewreshtin kélip chiqqan ziyan yaki élin'ghan qutquzush we orunlashturush tedbirlirining birimu tilgha élinmighan. Tengritagh torining xitaychisi qutubidiki yer tewreshte yarilan'ghanlar heqqide téxi xewer kelmidi, dep yazghan.

Xitay hökümiti adette xitayda yüz bergen apetler we weqeler heqqidiki xewerlerning inchike tepsilatlirining élan qilinishigha qattiq cheklime qoyidighan bolup, 2008-yili sichüende nurghun mektep balilirining ölümige yol achqan yer tewresh, 2011-yilidiki yuqiri sür'etlik poyizning örülüp kétishi we 2015-yili tyenjindiki portta chiqqan partlashqa oxshash weqelerning détalliri téxi sir péti turmaqta.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar